PODA 22:29 - BIBEL JAMITA NA DENGGAN

²⁹ Unjung dehe diida ho halak na malo mangkarejohon karejona? Di bagas godang ni angka raja do halahi baenonna karejo, nada di bagas ni halak na somal.

PODA 22:29 ပူးပေါင်းရင်းမြစ်များ

PAMUNGKAAN 41:38

jadi didok raja i ma tu halahi, “Aropku nanggo dapot hita be da na dumenggan halakna sian si Josep on, harana ia do na nigohan ni Tondi Ni Debata.”

PAMUNGKAAN 47:6

jadi dohot ma halahi nampuna tano Mesir on. Padiar ma da maringanan di Luat Gosen halahi, on ma lunggu-lunggu na dumenggan di luat on. Jana betak sai adong sian halahi angka na malo, baen ma halahi gabe pangurus ni pahan-pahananku.”

2 SAMUEL 2:32

Dung i dioban si Joab dohot parangannia i ma bangke ni si Asael i jana dikuburkon halahi ma i di kuburan ni horongnia di Betlehem. Mardalan ma halahi saborngin maningting, dung i lalu ma halahi di Hebron andostorangna i.

1 RAJA-RAJA 10:8

Mogana i antong sudena angka dadaboru ni tuan i! Jana maruntung ma angka pagawe na tongtong di lambung ni tuan i, gabe tarbaen halahi dohot umbege angka poda habisuhon sian tuan i sandiri!

1 RAJA-RAJA 11:28

dohot do si Jerobeam markarejo disi. Di na niida ni si Salomo na lingkas bope na ringgas do si Jerobeam, dilehen ma disia tanggung jawab laho manjago karejo paksa na di luat ni Marga Manase dohot Efraim.

1 JUJUR TAON 4:23

Halahi ma sibaen kendi dohot gunci sipakeon ni raja jana maringanan di kota Netaim dohot Gedera do halahi.

PODA 10:4

Halak na losok madabu tu hapogoson, marhite hapadoton markarejo dapot hamoraon.

PODA 12:24

Maradu gogo karejo mambaen halak markuaso; halosohon mamaksa jolma gabe hatoban.

PODA 23:1

Muda juguk ho mangan dohot sada halak na godang, parate-atehon ma dohot denggan aha na adong di jolomu.

PARJAMITA 9:10

Karejohon ma sude karejomu sagogomu. Angke nada adong be naron sipikiran dohot karejo. Nada adong ilmu sanga bisuk anggo di inganan ni na mate. Jana marayak tusi do ho kehe.

DANIEL 1:19

Dung marsipatorangan dohot halahi sudena, diida raja i ma lumobi si Daniel, si Hananya, si Misael dohot si Asarya sian angka na asing i di sude ragam ni hapandean. Jadi mamungka ma halahi markarejo di bagas godang ni raja i.

DANIEL 1:4

Angkon doli-doli na so martihas do halahi. Angkon tongam, parsikola dohot na tangkas parbinotoanna di sasudena, na pistar dohot na bahat parbinotoan jana na patut markarejo di bagasan bagas godang. Angkon ajaran ni si Aspenas halahi manyise dohot manyurat di hata Babel.

MATEUS 25:21

‘Ma denggan i,’ ning tuan i, ‘ho ma ibana naposo na burju jana na denggan. Angke haposan do ho di na otik, hulehen ma pos ni rohangku tu ho taringot tu na umbahat. Dohot ma ho masuk marsonang-sonang rap dohot au!’

MATEUS 25:23

‘Denggan ma i,’ ning tuan i, ‘ho ma ibana naposo na denggan jana na burju. Dibaen haposan do ho di na otik, laing pasahaton ma pos ni roha tu ho taringot tu na bahat. Masuk ma ho anso dohot marsonang-sonang rap dohot au!’

SURAT NI SI PAULUS TU PARLAGUTAN ROM 12:11

Ulang ma nian sumurut hariringgasmunu i, marsigorgor ma tondimu laho mangoloi Tuhan i.

2 TIMOTEUS 4:2

Jamitahon ma Jamita na sian Debata i di hatiha na denggan sanga na so denggan. Papos ma roha ni halak, paboa angka na sala, jana sosoi ma halahi. Ajari ma halak mardongan sude hasobaronmu.

1 SAMUEL 16:21

Songon i ma parro ni si Daud mandapotkon si Saul jana gabe pangoloina. Holong sajo do roha ni si Saul disia jana dibaen ma ia gabe sioban sinjata.

1 SAMUEL 17:31

Tapi adong do deba na umbege na nidok ni si Daud, na palaluhon tu si Saul, jadi gabe dipio ia ma si Daud anso mangadop.