PODA 22:17 - BIBEL JAMITA NA DENGGAN

¹⁷ Tangihon ma, anso huajarkon tu ho poda ni halak na marroha! Parrohahon ma pangajaran i,

PODA 22:17 ပူးပေါင်းရင်းမြစ်များ

MASMUR 78:1

Tangihon ma pangajaranku, o hamu bangsongku, parrohahon ma angka hatangku.

MASMUR 90:12

Sai ajari ma hami mangetong angka ari-arinami, anso dapotan roha na bisuk hami.

PODA 1:3

Diajari angka poda on do halak sanga na bia dalanna anso marngolu na bisuk, jujur, tigor dohot burju.

PODA 23:12

Parrohahon ma pangajaran ni gurumu jana gogoi ma na marsiajar.

PODA 24:23

Unjung do didok angka halak na bisuk songon on: Panguhum nada tola borat sabola.

PODA 3:1

Ulang ma halupahon sanga aha na dung huajarkon tu ho, ale anakku. Sai paingot-ingot ma na huparentahon,

PARJAMITA 12:11

Songon tungkot na pincur ni parmahan do hata ni halak na pistar, tungkot na nipakena mangaramoti biri-birina. Parpunguan ni poda dohot sipaingot, songon paku na pago hot. Laing basa-basa ni Debata do i sude, na marmahan hita sada-sada.

PARJAMITA 7:25

Haru songon i pe torus do au marsiajar dohot manjalahi parbinotoan, anso dapotan bisuk dohot alus di sude parsapaan. Boti anso mangarti iba bahaso haotoan do dosa jana hajungkaton do hajahatan.

PARJAMITA 8:16

Di na huparayak manjalahi habisuhon jana huparrohahon sude na tarjadi di tano on, gabe huboto ma haru pe markarejo hita arian na borngin nada maradian,

PARJAMITA 8:9

Huida do sudena on di na huparrohahon halolojamu, salolot di ngolumu di tano on. Huhul dipake jolma i do kuasona laho mangarugii donganna jolma.

JESAYA 55:3

Tangihon ma ale bangsongKu, ro ma hamu tu Au, tangihon ma, anso mangolu hamu. Hara ni holong ni rohangKu na togu tu si Daud, naposongKi, Hupudun janji na hot dohot hamu.

MATEUS 17:5

Dompak na mandok hata i si Petrus, dihaliangi ombun na torang situtu ma halahi. Dung i adong ma sada sora sian ombun i na mandok, “On ma AnakKu na Huhaholongi, na pasonangkon rohangKu. Tangihon hamu ma Ia!”