PODA 22:11 - BIBEL JAMITA NA DENGGAN

¹¹ Halak na manghagioti habulusan jana na tabo pangkulingna i do na gabe dongan ni raja.

PODA 22:11 ပူးပေါင်းရင်းမြစ်များ

ESTER 10:3

Hot do si Mordehai halak Jahudi i maniop jabatan partimbo di toru ni Raja Ahasweros sandiri. Dipasangap jana dihalomohon roha ni angka dongan sabangsonia do si Mordehai. Manggogo do ia patongonkon haluaan dohot hasonangan ni bangsonia maradu sude pomparan ni halahi.

MASMUR 101:6

Mida halak na haposan, jop do rohangku; tola do halahi maringanan di bagasku. Halak na so targora di ngoluna tola ma mangoloi iba.

MASMUR 24:4

Halak na ias di roha dohot pambaenan, na so marsumpa na pargabus sanga na manyomba gana-ganaan.

MASMUR 45:2

Sian sandok na margoar jolma, raja i do na jumogi, gok na denggan do angka hata ni raja i, angke antong sai na hot do Debata mamasumasu di raja i.

PODA 14:35

Pagawe na malo dihasonangkon roha ni raja; tapi hona uhumna do na pailahon ia.

PODA 16:13

Jop do roha ni raja mambege hata na sintong, jana dihaholongi do na mandok na sintong.

PODA 22:12

Dijagohon Tuhan do parbinotoan ni na tigor; direngreng Ia do gabus ni halak na geduk.

PARJAMITA 10:12

Hata ni halak na pistar do mambaen sangap ia, hape anggo halak na oto, mago do hara ni hata-hatana.

DANIEL 3:30

Dung i dipanaek raja i ma pangkat ni si Sadrakh, si Mesakh dohot si Abednego, gabe angka parpangkat na gincat ma halahi di propinsi Babel.

MATEUS 5:8

Martua ma halak na ias rohana, angke halahi ma na giot marnida Debata.

LUKAS 4:22

Di parhatutu halahi do Ia jana homang do roha ni halahi hara ni dengganna sude hata na nidokNia i. Didok halahi ma, “Inda he anak ni si Josep on?”