PODA 21:8 - BIBEL JAMITA NA DENGGAN

⁸ Maralit-alit do dalan ni parjahat; sai na tigor do roha ni halak na burju roha.

PODA 21:8 ပူးပေါင်းရင်းမြစ်များ

PAMUNGKAAN 6:12

Ditatap Debata ma sude tano on jana diida Ia do hajahatanna dibaen madung sude ngolu ni jolma i jahat.

PODA 15:26

Magigi do Tuhan mida sangkap ni halak pardosa, tapi hata na denggan pajop rohaNia.

PODA 2:15

Panipu do halahi jana nada tarhaposi.

PODA 21:9

Dumenggan do tinggal di suhi-suhi ni loteng ulang pado sabagas dohot dongan saripe na sai matubekbek.

PODA 30:12

Adong do halak na mangetong ias dirina hape nian na santak do hodarna.

PARJAMITA 7:29

Hum on ma na dapot au: Nada marlobian jana songon somalna do hita dijadihon Debata. Tapi hita saonnari do na mambaen hita rundut jana maralit-alit.

PARJAMITA 9:3

Jadi, sarupa do bagian na mandondoni halahi sudena. Nada tigor songon i laing songon sude na masa na di tano on. Salolot di ngolu ni jolma i gok hajungkaton do rohana jana pikiranna pe gok haotoon do. Dung i tompu ma ro ajalna.

JESAYA 26:7

Lidang do dalan ni halak partigor, angke Ho do na mangarintis dalan disia.

JESAYA 59:8

Nada daionmunu hasonangan ni roha. Sude do parbuatanmunu na so tigor. Marbulut-bulut do dalanmunu, jana nada sonang sanga ise halak na mangihutkon dalanmunu i.

DANIEL 12:10

Bahat do halak na giot papolinon. Nada mangarti anggo halak na jahat, jana torus do halahi mambaen jahat; hum halak na marbisuk do na mangastuisa.

MATEUS 12:33

“Muda didok hamu na denggan sada hayu, denggan ma antong parbatuna i, jana muda didok hamu sada hayu na jat, jat muse ma parbatuna. Harana, sian parbatuna do tandaon sanga denggan sanga na so denggan hayu.

MATEUS 5:8

Martua ma halak na ias rohana, angke halahi ma na giot marnida Debata.

BAENON NI ANGKA RASUL 15:9

Nada mardia imbar hita sian halahi dibaen Debata. Dipaias Ia do roha ni halahi, hara ni na porsaya halahi.

1 KORINTUS 3:3

hara ni ngolumunu na laing tongtong dope mangihutkon bako ni jolma portibi. Angke muda laing mangiburui do hamu jana marbadai na sada tu na asing, i ma tandana paboa na laing mangolu mangihutkon bako ni jolma portibi dope hamu, songon angka jolma na di portibi on.

TITUS 1:15

Ias do sude sanga aha pe anggo di halak na ias. Tapi anggo di halak na hodar pikiranna jana na so porsaya tu Debata, sada pe nada adong na ias, angke madung hodar pikiran ni halahi dohot taroktokna!

TITUS 2:14

Madung dihaulkon Ia diriNia hara ni hita laho paluahon hita sian hajahatan sudena, jana dibaen Ia hita gabe bangso hapunjunganNia, jana na ringgas mambaen na denggan.

TITUS 3:3

Angke hita pe oto do najolo, nada mangoloi jana nada tigor. Dirajai angka hagiot dohot por ni roha na marragam rupa do hita. Na mangolu di angka hajahatan dohot gutgut dohot na marsihosoman hian do hita.

TITUS 3:5

Dipalua Ia do hita, nada hara ni na tabaen sanga aha na denggan, tapi hara ni ibo ni rohaNia sandiri do tu hita. Dipalua Ia do hita markite-hite Tondi Parbadia na mangalehen hasosorang na imbaru dohot ngolu na imbaru marhite na paiaskon hita.

1 JOHANNES 2:29

Muda diboto hamu, na tigor do Ia, tangkas muse ma di hamu, barang ise na mambaen hatigoran, i do na tubu sian Ia.

1 JOHANNES 3:3

Sude halak na mararop ni roha tuSia, dipaias ia ma dirina songon Ia na badia i.