PODA 21:5 - BIBEL JAMITA NA DENGGAN

⁵ Sangkap na tangkas parohon hadoharon; pambaenan na mopop parohon hahurangan.

PODA 21:5 ပူးပေါင်းရင်းမြစ်များ

PODA 10:4

Halak na losok madabu tu hapogoson, marhite hapadoton markarejo dapot hamoraon.

PODA 13:4

Bahat do por ni roha ni na losok hape umpe sada na dapotsa; halak na padot markarejo dapotsa do sude por ni rohana.

PODA 14:29

Halak na sobar bidang do pangastuionna, tapi halak parmuruk na pagodang haotoanna.

PODA 19:2

Nada denggan mangaringgas iba mangkarejohon na so binoto, halak na mopop gabe dapotan hamaolon do.

PODA 20:21

Mur mura halak dapotan sinadongan mur so denggan do panginonaanna.

PODA 28:22

Halak na lobo sai giot tibu mamora, nada mamoto ia na giot ro ma tompu hapogoson tusia.

PODA 29:20

Umbahat do na niarop ni roha ni jolma na oto, umpado halak na manghobari na so marpikir jolo.

EPESUS 4:28

Angka panangko, ulang be manangko. Tapi gumonan ma ia markarejo anso dapot ia balanjonia markite-hite dalan na tigor jana anso tarurupi ia halak na hurangan.