PODA 21:4 - BIBEL JAMITA NA DENGGAN

⁴ Mardosa do halak parjahat i, hara ni na nirajaan ni bulbul dohot ginjang ni roha i.

PODA 21:4 ပူးပေါင်းရင်းမြစ်များ

JOB 18:5

Musti paintopon do lampu ni parjahat; apina i indangkon nipangolu be jabat.

JOB 18:6

Gabe mur meldep ma sinondang di bandarna; nada marsinondang be api di ginjangna.

MASMUR 10:4

Nada parduli tu Tuhan anggo halak pardosa; hara ni jungkatna, dipikiri ia nada adong Debata.

MASMUR 101:5

Halak na mamurai di na buni, pasidungonku noma i. Halak na sombong dohot siginjang roha nada huhagioti.

MASMUR 131:1

Nada ginjang rohangku ale Tuhan nada gakgak muse au. Nada hulojai diringku dohot angka pangalaho na godang sanga dohot angka parkaro na borat.

PODA 15:8

Sonang do roha ni Tuhan muda denggan halak martangiang, tapi anggo haul ni halak na jahat ditulak Ia.

PODA 21:27

Nada jop roha ni Tuhan tu haul ni jolma na so hasaya, lumobi muda na dihaulkon mardongan maksud na targora.

PODA 24:20

Nada adong ari pangapudian ni parjahat jana mintop do ancogot lampuna.

PODA 30:13

Adong do halak si ginjang roha, sai gakgak ma pangaligina.

PODA 6:16

Adong do pitu parkaro goyak ni roha ni Tuhan jana na so tarpadiar Ia: Tabiat na sombong. Pamangan pargabus. Tangan na mamunu halak na so marsala. Utok-utok na mambaen sangkap na jahat. Pat na mopop kehe tu hajahatan. Saksi na sai torus margabus, dohot halak na patubu-tubu parbadaan di tonga-tonga ni dongan.

PODA 8:13

Biar mida Tuhan dos do i dohot na magigi mida hajahatan; nada huhagioti ginjang ni roha dohot hagakgakan. Goyak do rohangku mida pangalaho hajahatan, dohot hata-hata na mambaen haliluan.

JESAYA 10:12

Tapi didok Tuhan ma, “Anggo dung sidung do na giot baenonKi di Dolok Sion dohot di Jerusalem, uhumonKu do raja ni Asur i hara ni ginjang ni rohana dohot gakgakna.”

JESAYA 2:11

Dapot ma hatihana parenjepon halak na gakgak, halak siginjang roha patunduhon, jana Tuhan i sandiri noma sipasangapon. Anggo di ari i patutoruon ni Tuhan noma sude sanga ise na markuaso, na ginjang roha dohot halak na gakgak.

JESAYA 2:17

Patutoruon ma halak na gakgak, jana papatuon ma halak na ginjang roha. Mago noma angka gana-ganaan sian sisik ni tano on. Anggo di ari i hum sasada Tuhan noma sipasangapon.

JESAYA 3:16

Didok Tuhan, “Ligi da, sombongna i angka boru Jerusalem! Mardalan halahi maradu gakgak. Humetek-hetek ma halahi manghidopi. Dipabaen-baen ma pangalangkana i jana mardoring-doring ma sora ni angka golang ni patna i.

LUKAS 11:34

Mata, i ma na gabe lampu ni pamatang. Muda torang matamu, pamatangmi pe gabe torang do. Tapi muda rambon matamu, gabe golap situtu ma sude pamatangmi.

LUKAS 18:14

Jadi Hudokkon ma tu hamu: “Mulak ma halak on songon halak na nipatigor ni Debata jana halak na asing i nada. Dibaen barang ise na paginjangkon dirina, nipatutoru do muse; tapi na patutoruhon dirina, dipatuginjang do muse.”

SURAT NI SI PAULUS TU PARLAGUTAN ROM 14:23

Tapi sanga ise halak na ganggu rohana laho mangankon sanga aha, hape laing dipangan ia muse sipanganon i, hona uhum do, angke nada markite-hite haporsayaan dikarejohon. Angka na so tubu sian haporsayaan, dosa do i.

1 PETRUS 5:5

Laing songon i ma hamu angka na poso! Oloi hamu ma angka halak na matobang. Angkon sude do hamu patoruk dirina jana marsioloan di bagasan haserepon ni roha. Harana tarsurat do di Buku Na Badia i songon on, “Dialo Debata do halak siginjang roha, tapi dihaholongi Ia do halak na serep roha.”