PODA 21:31 - BIBEL JAMITA NA DENGGAN

³¹ Haru pe dipasingkop kudo porang tu parporangan, laing Tuhan do na manontuhon hamonangan.

PODA 21:31 ပူးပေါင်းရင်းမြစ်များ

2 SAMUEL 23:12

Hape anggo si Sama torus do ia mangalo, dimatehon jana ditaluhon ia halak Pilistin i, gabe laing dipartahankon ia ladang i. Songon i ma dibaen Tuhan mangalehen hamonangan na godang i.

MASMUR 144:10

Dilehen Ho do hamonangan di angka raja, jana di si Daud naposoMu dilehen Ho do haluaan.

MASMUR 147:10

Nada lomo roha ni Tuhan tu kudo na gogo; sanga pe ulubalang na barani.

MASMUR 20:7

Adong do halak na mangasahon kareta porangna, adong muse na mangasahon kudona. Tapi nada songon i anggo hita; hita marsitiopan tu kuaso ni Tuhan, Debatanta.

MASMUR 20:8

Tartuktuk ma halahi jana tinggang, tapi anggo hita jongjong do jana hot.

MASMUR 3:3

Hape Ho do ale Tuhan, parince na mangondingi au; dilehen Ho do hamonangan di au jana dipagodang Ho rohangku.

MASMUR 3:8

Sian Ho do ro pangurupion, ibo ma rohaMu, ra ma jolo Ho mamasumasu bangsoMon.

MASMUR 68:20

Debata na paluahon do anggo Debatanta Debata, Tuhanku mangalehen haluaan sian hamatean.

PARJAMITA 9:11

Adong dope na huida di tano on: Nada sai tongtong parlojong na hipas manghamonangkon parsiaduan, nada sai tongtong halak na gogo manghamonangkon paraloan. Nada sai tongtong halak na marroha dapotan pangomoan. Jana halak na pistar nada sai tongtong dapotan sinadongan. Songon i angka na malo nada sai tongtong tarbonggal. Angke sanga na ise pe bolas jadi do hona bagian sial.

JESAYA 31:1

Marjaya ma halak na kehe tu Mesir laho mangido pangurupion. Dipangasahon halahi do hagogoan ni tentara ni Mesir, dohot parangan na manengget kudo dohot kudonia na gogo i songon i karetana na bahat i. Hape nada porsaya halahi tu Tuhan, Debata Na Badia ni Israel sanga pe mangido pangurupionNia.

JEREMIA 3:23

Nada adong gunana marsomba gana-ganaan hami di puncu ni angka dolok! Hum sian Tuhan Debatanami do pangurupion anggo tu Israel.

1 KORINTUS 15:57

Tapi tarimakasi ma di Debata, dilehen Ia do antong hamonangan di hita markite-hite Jesus Kristus Tuhanta i!