PODA 21:21 - BIBEL JAMITA NA DENGGAN

²¹ Muda denggan rohamu jana jujur ho, gabe ginjang ma umurmu, pasangapon ni halak ma ho jana tigor pambaenanna tu ho.

PODA 21:21 ပူးပေါင်းရင်းမြစ်များ

MASMUR 112:4

Marsinondang ma na torang di bagasan hagolapan, di halak na burju, na tigor, parholong dohot paribo.

PODA 10:16

Upa ni halak partigor mambaen hangoluan, tapi padapotan ni halak parjahat hum na manambai dosa.

PODA 11:19

Sanga ise na burju mambaen na denggan, marhangoluan, sanga ise na manggogo mambaen na jahat, kehe tu hamatean.

PODA 15:9

Magigi do Tuhan di dalan ni halak parjahat, tapi holong do rohaNia di halak partigor.

PODA 22:4

Halak na burju mangoloi Tuhan jana patoruk rohana, gabe martua, sangap jana sonang ngoluna.

PODA 3:22

I ma na gabe hangoluanmu jana sorminan di dirimu.

JESAYA 51:1

“Tangihon ma Au, ale hamu na manjalahi hasintongan, ale hamu na manjalahi Tuhan, tatap ma dolok batu na marhite sian ia hamu targorga, jana tu lubang pangkuaran ni batu, na sian i hamu tarhuar.

HOSEA 6:3

Hara ni i, tahaburjuhon ma laho mananda Tuhan. Pasti do ro Ia tu hita songon parbincar ni mataniari jana songon udan na mangaehi tano di ujung ni ari nonat.”

MATEUS 5:6

Martua ma angka na male dohot na manguas mida hatigoran, angke na giot pabutongon do halahi muse.

SURAT NI SI PAULUS TU PARLAGUTAN ROM 14:19

Jadi hara ni i, siparayahanta do tongtong angka pangalaho na mambaen hasosonang jana na marsipadengganan.

1 KORINTUS 15:58

Hara ni i hamu ale angka dongan na nihaholongan, sai togu ma hamu jana hot. Marsitutu ma markarejo di Tuhan, angke diboto hamu do, sude na nikarejohonmunu di Tuhan, nada sayang boti sudena i.

PILIPPI 3:12

Nada hudok na dung marhasil au, sanga na dung gabe sanggam. Tapi na torus dope au marusaho manjalahi upa na niparade ni Jesus Kristus i. Hara ni i do umbaen na nitangkupNia au jana dibaen Ia gabe nampunaNia.

1 TESSALONIKA 5:21

tapi tangkasi hamu ma sasudena, jana togu ma tiop hamu na denggan i.

1 TIMOTEUS 6:11

Tapi anggo ho, halak ni Debata do ho, jadi angkon mandao do ho sian i sudena. Parayak ma anso halak na bonar ho di parnidaan ni Debata, jana na mangoloi tu Debata boti na porsaya tu Kristus, na marholong ni roha, sobar dohot marlambok ni roha.

2 TIMOTEUS 2:22

Orom ma dirimu taringot tu angka hasonangan ni na poso-poso. Haburjuhon ma mangoloi hagiot ni Debata, manghaporsayai Ia jana marholong ni roha dohot hadameon ni roha. Saroha ma ho na mangolu i rap dohot angka dongan na mangido tolong sian Tuhan mardongan roha na ias.

IBRANI 12:14

Usahahon hamu ma anso mardame-dame hamu tu sude halak jana manggogo ma hamu anso hum di Tuhan ngolumunu, harana sahalak pe nada adong na tarbaen mida Tuhan anggo inda songon i pardalan ni ngoluna.

1 PETRUS 1:7

Sudena i na laho patandahon haporsayaanmunu do tu Tuhan, paboa na tutu do haporsayaanmunu i sanga nada. Sere na ra sego pe angkon laing tutungon do i tu api. Dao dope ummarga haporsayaanmunu i ulang pado sere, jadi angkon laing diuji dope i anso gabe pita. Jadi gabe pujion ma hamu jana pasangapon bope dipatuginjang di haroro ni Jesus Kristus mangulahi tu tano on.