PODA 21:10 - BIBEL JAMITA NA DENGGAN

¹⁰ Sai matua giot mambaen jahat do jolma na jahat. Sanga na tu ise pe nada adong ibo ni rohana.

PODA 21:10 ပူးပေါင်းရင်းမြစ်များ

MASMUR 112:5

Martua ma halak na jop roha painjamkon jana na jujur di sude siuruson.

MASMUR 112:9

Dilehen ia do sidoka tu halak na pogos, jana dibagihon ia sinadonganna sian burju ni rohana; sai marpupu do ia mambaen na denggan, hara ni i ma umbaen na markuaso ia jana dipasangap.

MASMUR 36:4

Di podomannia; dibaensa sangkap na jat, nada adong pangalahona na denggan nada unjung ditulak ia hajahatan.

PODA 12:12

Halak na durako gok do tahi na jahat; halak na denggan songon hayu na marbatu.

PODA 14:21

Sanga ise na palayas halak, mambaen dosa; sanga ise marroha na denggan tu halak na pogos, martua.

PODA 2:14

Dihajopkon roha ni halahi mambaen hageduhan jana dijalahi halahi do hapuasan ni rohana di bagasan parbuatan na jat.

PODA 21:13

Sanga ise na so ra manangihon holos ni halak na hurangan, nada diparrohahon be ia sandiri muda mangido partolongan.

PODA 21:9

Dumenggan do tinggal di suhi-suhi ni loteng ulang pado sabagas dohot dongan saripe na sai matubekbek.

PODA 3:29

Ulang pikiri giot manyusai donganmu na donok tu ho, jana na manghaposi ho.

1 KORINTUS 10:6

Gabe tiruan do i sude di hita, laho paingotkon hita anso ulang sai tahagioti be angka pangalaho na jat songon na nibaen ni halahi i.

JAKOBUS 2:13

Angke sanga ise halak na so maribo ni roha tu halak na asing, sidabuon do uhuman tusi so pola mardongan ibo ni roha. Tapi gumogo dope ibo ni roha ulang uhuman!

1 JOHANNES 2:16

Sasudena na adong di portibi on na nihalungunkon ni jolma – i ma sasude hagiot ni sibuk, hagiot ni mata dohot na pagodangkon dirina – nada sian Debata haroroan ni angka na songon i, tapi sian portibi on do.