PODA 21:1 - BIBEL JAMITA NA DENGGAN

¹ Diatur Tuhan do pardalan ni batang aek marguru tu hagiotNa, songon i muse do diatur Ia pikiran ni raja.

PODA 21:1 ပူးပေါင်းရင်းမြစ်များ

2 RAJA-RAJA 19:33

Mulak noma raja Asur mamolus dalannia humani laho ro ia, so pola masuhanna kota i. Madung Hudok Au do Tuhan.

ESRA 1:1

Di taon parjolo mamarenta si Kores, raja ni Persia, dipatulus Tuhan ma sanga aha na nijanjihonNia marhite Panurirang Jeremia. Disosoi Tuhan ma roha ni si Kores anso diharuarkon ia sada parenta sisisehononkon di sude harajaannia. Songon on ma hatana:

ESRA 1:2

“On ma parenta ni si Kores, raja ni Persia. Madung dibaen Tuhan, Debata Na Markuaso di banua ginjang au gabe raja di sandok portibi on, jana ditugaskon do au laho mambangun sada bagas diSia di Jerusalem na di tano Juda.

ESRA 6:22

Pitu ari lolotna halahi marjop ni roha mamestahon Pesta Ni Roti Na So Marragi i. I noma jop ni roha ni halahi hara ni na nibaen ni Tuhan marburju ni roha raja ni Asur tu halahi gabe diurupi halahi di bagasan karejo na mambangun mangulahi Bagas Ni Tuhan, Debata ni Israel i.

NEHEMIA 1:11

Tangihon ma tangiangku dohot tangiang ni sude naposoMu na asing i, na ra pasangankon Ho. Lehen ma pangurupiMu anso laing tulus naposoMon sadari on dapotan asi ni roha sian raja.” Siurus inumon ni raja do au di hatiha i.

NEHEMIA 2:4

Marsapa ma raja i, “Antong, aha do giotmu?” Martangiang ma au di bagasan rohangku tu Debata na markuaso di banua ginjang i,

NEHEMIA 2:8

Tamba ni i, laing hupangido dope surat tu si Asap panjago ni harangan harajaan, anso dipasingkop ia hayu sibaenon tu pintu horbangan ni benteng na manjagohon Bagas Ni Tuhan, dohot sipakeon di tembok ni kota dohot bagas na giot ingananku. Dioloi raja i do sude pangidoanki, dibaen ditolong Debata do au.

ESTER 2:17

Sumurung ma sonang ni roha ni raja i dohot mogana dibaen si Ester martimbangkon angka bujing-bujing na asing i. Jadi gabe humolong ma roha ni raja i disia. Gabe dipapakehon raja i ma jarunjung harajaan tu ulu ni si Ester jana ia ma na manggontihon Ratu Wasti.

MASMUR 105:25

Dibaen Ia halak Mesir margoyak ni roha mida bangsoNia, jana mambaen akal busuk tu angka naposoNia.

MASMUR 106:46

Disosoi Ho roha ni sude alona, gabe maribo roha paida-idasa.

MASMUR 114:3

Mangaligi i, Laut Galoga pe gabe marlojong, jana Batang aek Jordan marbalik tu julu.

MASMUR 114:5

Ale Laut, biasi he marlojong ho? Ale Batang aek Jordan, biasi marbalik ho?

MASMUR 74:15

Dibaen Ho do mual dohot batang aek na mardalan, dipahiang Ho batang aek na godang.

MASMUR 93:4

Ho do parkuaso godang di banua ginjang, gumogo sian laut do Ho. Gumogo dope kuasoMu ale Tuhan, ulang pado ombak ni laut na jorbut.

HARURUAR 7:3

Tapi mur patangkangonKu do roha ni raja i. Nada tangihononnia hatamu, hara ni i bahat ma Hupamasa hahomangan di Mesir.

PODA 16:1

Jolma mambaen rancangan, Debata do na mangalehen haputusan.

PODA 16:9

Bolas do jolma mambaen sangkap, tapi Tuhan do na patuluskon langkana.

PODA 20:24

Tuhan do manontuhon dalanta; tapi bia ma baenon ni jolma mangastui pardalanan ni ngoluna.

JESAYA 43:19

Ligi ma, giot baenonKu ma sada pangalaho na imbaru, saonnari mamungka ma tarida, madung he diboto ho? Na giot baenonKu ma dalan di halongonan, mardalan ma angka aek godang di padang na bidang.

JESAYA 44:27

‘Hesut!’ ningKu tu tandolan ni laut, ‘Angka batang aekmu pe pahiangonKu.’

JEREMIA 39:12

“Kehe ma ho manjalahi si Jeremia jana denggan ia jagohon. Ulang hahua ia; patulus sanga aha pangidoannia.”

DANIEL 4:35

Nada adong astuan ni bangso na di portibi on. Dirajai Debata do surusuruan na di banua ginjang dohot jolma na di tano on. Sahalak pe nada adong tarbaen mangalo hagiotNia, nada adong na puluk manyapai sanga aha na nibaenNia.

BAENON NI ANGKA RASUL 7:10

jana na paluahon ia sian sude parkancitannia. Dilehen ma tusia asi ni roha dohot bisuk di na kehe ia mangadop tu jolo ni raja ni Mesir i; diangkat raja i ma ia gabe kapala di tano Mesir, dohot di bagas godang ni raja i.

HALUMBAAN 16:12

Dung i diduruskon surusuruan na paonomkon i ma isi ni sambongnia i tu Batang aek Efrat na godang i. Gabe mahiang ma batang aek i, lopus tardalani angka raja na sian Habincaran.

HALUMBAAN 16:4

Dung i ro ma surusuruan na patoluhon mangusehon isi ni sambongnia tu angka batang aek dohot tu angka mual, gabe mudar ma sude aekna i.