PODA 20:6 - BIBEL JAMITA NA DENGGAN

⁶ Bahat do halak na mandok dirina na setia, tapi na tutu situtu setia jarang do adong dapot da.

PODA 20:6 ပူးပေါင်းရင်းမြစ်များ

MASMUR 12:1

Tolong ma, ale Tuhan, angke nada adong be halak na marhabiaran, halak na burju mangoloi Ho maol niluluan.

MASMUR 12:2

Sude do halahi, marsigabusan, manipu dohot angka hata na tabo tu parbinegean.

PODA 20:5

Isi ni roha ni jolma tarsongon sumur na bagas; tapi tartimba halak na adong parbinotoanna do sumur na bagas i.

PODA 25:14

Angka janji na so tarpatulus, tudos tu ombun dohot alogo na so parohon udan.

PODA 27:2

Ulang puji dirimu jana ulang patimbo dirimu, padiar ma halak na asing mamuji dirimu, bope halak na nitandamu.

PARJAMITA 7:28

Laing hujalahi dope alus na asing, hape nada marguna. Sian tonga-tonga ni saribu halak, dapot au do sada halaklahi na hupasangap. Tapi sian tonga-tonga ni halahi nada adong dadaboru na tarargai au.

JEREMIA 5:1

O hamu halak Jerusalem, bolus hamu ma angka dalan di kotamu! Jalahi ma disi, jana ligi sandiri ma! Pareso hamu ma di angka tano lapang ni kota i sanga adong do sada halak na tigor na bonar maradopkon Debata. Muda adong do antong, ampunan ni Tuhan ma Jerusalem.

MIKA 7:1

Marjaya ma au! Harana parngoluonku songon dompak papunguhon batu ni anggur di ari logo, songon dompak painte masa parbatu ni anggur, nada adong anggur na giot sipanganon, dohot parbatu ni ara na huhajopkon.

MIKA 7:2

Halak na burju ma pola mago sian luat on, halak na setia tu Debata nada adong be dapot. Sude jolma painte-inte hatiha na tumbuk hadenggananna laho mamunu jolma. Marsibaen gasipna tu donganna.

MATEUS 6:2

“Jadi muda dilehen hamu silehenon, ulang paboa-boa hamu i songon na nibaen ni angka halak pangalancap. Anggo halahi, tagi do mambaen na songon i di angka bagas paribadatan dohot di angka dalan godang, anso dipuji halak halahi. Ingot hamu ma! Madung dijagit halahi hian upa ni halahi.

LUKAS 18:11

Jadi tanda sajo ma dibaen Parise i parjongjongnia jana martangiang ma ia, ‘O ale Debata, mandok tarimakasi ma au tu Ho, angke nada sarupa au dohot angka halak na asing i, na manyamun, na so jujur dohot na mangalangkup. Tarimakasi ma hudok dibaen nada tudos au dohot halak sitagi pajak indi.

LUKAS 18:28

Dung i didok si Petrus ma, “Madung hami tinggalkon sude na adong di hami; jana mangihutkon Ho.”

LUKAS 18:8

Hudok ma di hamu! Manigor belaonNia do parkaro ni halahi! Tapi laing adong dope he haporsayaan di portibi on saulahon muda ro Anak Ni Jolma i.”

LUKAS 22:33

Dialusi si Petrus ma, “Olo Tuhan, rade do au masuk tu hurungan jana mate rap dohot Ho!”

JOHANNES 1:47

Diida Jesus do si Natanael ro mandapotkon Ia gabe dihatai Jesus ma taringot tuSia. Ninna Jesus ma, “On ma halak Israel na tutu, na so adong lancap disia!”

2 KORINTUS 12:11

Satutuna, ma gabe songon halak na oto au hubaen, tapi hamu do mambaen au gabe songon i. Sapatutna angkon hamu do nian mamuji au. Angke haru songon jolma na so mararti pe au, nada bagi talu au maradopkon “angka rasulmunu” na luar biasa i!