PODA 20:30 - BIBEL JAMITA NA DENGGAN

³⁰ Huhul marguna do parsorion na paet i, anso dipauba halak parngoluonna na sala i.

PODA 20:30 ပူးပေါင်းရင်းမြစ်များ

MASMUR 89:32

gabe uhumanKu do halahi hara ni pangalaosionna i, jana Hupamasa parkancitan hara ni dosana i.

PODA 19:25

Muda niuhum halak na sombong, disi pe halak na so marpangalaman i dapot pangajaran. Muda niajar halak na marroha, gabe dapotan ia parbinotoan.

PODA 22:15

Somalna do dakdanak mambaen angka pangalaho na so patut patupaon, tapi tarajar do i dohot loncing-loncing paubahon pangalahona.

PODA 27:6

Anggo dongan dohot holong do mamukul, tapi anggo musu dohot rasun do manghaol.

JESAYA 27:9

Tapi anggo dosa ni Israel hum sada do dalanna anso tarsesa i, i ma muda digiling lamot songon soda angka langgatan parsombaan tu angka debata. Sandok panutungan ni hamonyan dohot tiang gana-ganaan Debata Asera angkon nisarsarkon muse.

JESAYA 53:5

Hara ni angka dosanta, do ia mabugangi, jana hara ni hajahatanta ia dibalbali. Hona uhum ia anso malua hita, hara ni angka gasania gabe malum hita.

IBRANI 12:10

Marhatiha do pangajaran ni natorasta na di tano on tu hita, hombar tu na denggan na niboto ni halahi. Tapi anggo Debata, diajari do hita laho padenggankon hita, anso gabe badia hita rap dohot Ia.

1 PETRUS 2:24

Kristus sandiri do mamorsan angka dosanta i di pamatangNia sandiri di ginjang ni hayu parsilang i, anso tola hita malua sian kuaso ni dosa jana tola hita mangihutkon hagiot ni Debata. Angke bugang ni Kristus i do na paluahon hamu.