PODA 20:3 - BIBEL JAMITA NA DENGGAN

³ Sude halak na oto malo do mamungka partongkaran; anggo sikap na tarpuji, i ma na pasiding paraloan.

PODA 20:3 ပူးပေါင်းရင်းမြစ်များ

PAMUNGKAAN 13:7

Gabe martangkangi ma angka parmahan ni si Abram dohot parmahan ni si Lot. (Laing maringanan dope hatiha i halak Kanaan dohot halak Peris disi.)

PAMUNGKAAN 13:8

Dung i didok si Abram ma hatana tu si Lot, “Na markahamaranggi do hita, nada denggan muda sai martangkangi angka halak na adong di ho dohot halakku.

2 RAJA-RAJA 14:9

Tapi disuruhon si Joas ma utusan na maroban alus songon on, “Sanoli martona ma tada-tada di partoran Libanon tu sada bona ni sampinur, ‘O sampinur, lehen ma borumi di anakku gabe parsondukna.’ Tapi dung salpu i mamolus ma sada binatang harangan, didege-dege ma tada-tada i.

PODA 14:17

Na bodo do halak na momo muruk, tapi sabar do halak na bisuk.

PODA 14:29

Halak na sobar bidang do pangastuionna, tapi halak parmuruk na pagodang haotoanna.

PODA 16:32

Lumambat muruk dumenggan dope i sian na markuaso; mangarajai diri gumonan dope sian na patalu kota.

PODA 17:14

Songon na mambuka dalan ni aek do na mamungka partongkaran, manigor ma mundur painte so dipungka partongkaran i.

PODA 18:6

Muda mamungka halak na bodo martongkar, manigor martenju do pangidoanna.

PODA 19:11

Halak na marroha ditahan do murukna. Tarpuji do ia hara ni na so parduli di hasalaan ni halak maradopkon ia.

PODA 21:24

Jolma na oto jana siginjang roha sai mangincahi do i jana pamalo-malohon.

PODA 26:17

Jolma na mangantoi partongkaran na so urusanna tudos do i dohot halak na manangkup pinggol ni anjing gila.

EPESUS 4:32

Tapi gumonan ma burju jana lambok hamu sama hamu, bope na marsisesaan sala songon panyesa ni Debata di dosamunu markite-hite Kristus.

JAKOBUS 3:14

Tapi muda mangiburu hamu, markancit ni roha, muruk jana manyarihon dirina sajo, ulang ma hamu manggodang jana ulang hamu margabus mangalo hasintongan i.

JAKOBUS 4:1

Sian dia dehe asal ni sude parbadaan dohot partangkangan na masa di hamu? Nada he sian angka hagiotmunu na sai giot torus marporang di bagasan dirimunu anso dapotan hasonangan portibi do asal ni i?