PODA 20:22 - BIBEL JAMITA NA DENGGAN

²² Ulang nibaloskon hajahatan. Nihaporsayaan ma Tuhan, anso Ia paturehon.

PODA 20:22 ပူးပေါင်းရင်းမြစ်များ

2 SAMUEL 16:12

Betak na parrohahonon ni Tuhan do pardangolankon jana pasupasuonNia au gonti ni bura i.”

MASMUR 27:14

Mararop roha tu Tuhan ma da, haporsayai ma, ulang padele roha. Tu Tuhan ma mararop roha.

MASMUR 37:34

Tu Tuhan ma mararop roha jana oloi ma parentaNa, gabe angkatonNia ma ho, jana baenonNia gabe nampuna di tano teanan; idaonmu ma parjahat dibaen marmorotan.

MASMUR 37:40

Diurupi Ia do halahi jana dipalua, paluahon halahi sian halak na jahat, angke marpangondian do halahi tuSia.

PODA 17:13

Sanga ise na mambalos hadengganan dohot na jat, sian bagasna pe nada morot be na jat.

PODA 19:11

Halak na marroha ditahan do murukna. Tarpuji do ia hara ni na so parduli di hasalaan ni halak maradopkon ia.

PODA 20:21

Mur mura halak dapotan sinadongan mur so denggan do panginonaanna.

PODA 24:29

Ulang dokkon, “Giot baloskononku tusia sanga aha na nibaennia tu au!”

JESAYA 40:31

Hape anggo di na mangido pangurupion sian Tuhan, dipasuang do hagogoan. Lopus tu ginjang manaek do halahi, songon na marhabongkon habong ni rajawali. Marlojongi do halahi so marnaloja, jana mardalan halahi nada ra gale.

HAMALIMON 19:18

Ulang baloskon na jat sanga tu ise pe sanga magigi ho tusia, tapi haholongi ma donganmu songon pangkaholongimu di dirimu sandiri. Au do Tuhan.

MATEUS 5:39

Tapi saonnari Au mandok di hamu: Ulang ma alo hamu halak na mambaen na so denggan tu hamu. Tapi sabalikna do! Muda ditampeleng halak hurummu siamun, laing tarehon ma ditampeleng ia hurummu siambirang i.

PANGARATAION 32:35

Palaluon ni Tuhan ma hosomNa, anso didabu tu halahi uhumanNa; ro do hatihana madabu halahi; ma pola donok arina maropuk halahi.

1 TESSALONIKA 5:15

Jagohon hamu ma anso ulang adong sanga ise na mambaloskon hajahatan dohot hajahatan. Usahohon hamu ma anso tarbaen hamu na denggan sama hamu bope tu halak sudena.

1 PETRUS 2:23

Di na hona incak Ia, nada mangincahi Ia mambaloskon. Dompak na niparkancitan i Ia, nada mangondam Ia; tapi dipasahat Ia do parkaroNia i tu Debata, Panguhum na tigor i.

1 PETRUS 3:9

Ulang ma baloskon hamu hajahatan alo ni hajahatan, sanga hata na panyaor-nyaorkon; tapi pasupasu ma pangidohon hamu balos ni i sian Debata tu halahi. Angke anso manjagit pasupasu do hamu umbaen na nipiohon ni Debata hamu.

1 PETRUS 4:19

Hara ni i, muda adong sanga ise halak na manaon parkancitan hara ni hagiot ni Debata, angkon laing tigor ma ngolu ni halak na songon i jana dipasahat halahi ma diri ni halahi tu Sipanompa i. Sai patulusonNa do na nijanjihonNia.

1 SAMUEL 25:13

“Alitkon hamu ma podangmunu!” ning si Daud mamarenta jana marsibaen ma songon i. Si Daud pe dialitkon ia ma podangnia jana kehe ma ia dohot halahi hira-hira opat ratus halak bahatna, tapi anggo na dua ratus nari tinggal ma manjago barang-barang.