PODA 20:20 - BIBEL JAMITA NA DENGGAN

²⁰ Muda diburai ho simatobangmu, mago ma ngolumu songon lampu na mintop di borngin na golap.

PODA 20:20 ပူးပေါင်းရင်းမြစ်များ

JOB 18:18

Sian na torang hona usir ia tu na golap; sian tano ni halak na mangolu hona ayak.

HARURUAR 20:12

Pasangap ma amangmu dohot inangmu, anso ginjang umurmu di tano na nilehen ni Tuhan Debatamu di ho.

HARURUAR 21:17

Sanga ise na mamurai amangna sanga inangna angkon mate niuhuman.

PODA 13:9

Songon sinondang na manyirlak do halak na daulat; tapi halak na jahat songon lampu na giot mintop do ia.

PODA 20:21

Mur mura halak dapotan sinadongan mur so denggan do panginonaanna.

PODA 24:20

Nada adong ari pangapudian ni parjahat jana mintop do ancogot lampuna.

PODA 30:11

Adong do halak na pasumpahon amangna jana na so mangargahon inangna.

PODA 30:17

Halak na mangincahi amangna sanga inangna na dung matobang, patutna do disampakkon tu ruar anso diturbing sigawak matana i jana dipangan rajawali bangkena i.

HAMALIMON 20:9

Dilehen Tuhan dope deba nari angka aturan na mangihut muse, “Sanga ise na mamurai amana sanga inana, angkon mate uhumon. Hamamatenia i, i ma hara ni salania sandiri.

MATEUS 15:4

Harana didok Debata do, ‘Pantun ma ho tu amangmu dohot tu inangmu.’ ‘Sanga ise na mandok hata na so ture tu amangna sanga tu inangna, angkon mate do i niuhuman.’ ”

MATEUS 22:13

Gabe didok raja i ma tu angka naposonia, ‘Tambat ma pat ni bayo on dohot tanganna i, dung i ambungkon hamu tu balian tu inganan na golap i. Disi ma ia tangis jana patungaripon.’ ”

MATEUS 25:8

Didok bujing-bujing na oto i ma tu na marroha i, ‘Lehen hamu ma di hami saotik miakmunu i, ma giot mintop lampunami.’

PANGARATAION 27:16

‘Bura ni Debata ma di halak na palayas amangna dohot inangna.’ Dung i sude ma bangso i mandok: ‘I ma tutu!’

JUDAS 1:13

Laing tarsongon ombak ni laut na margubo-gubo, laing songon i ma halahi paila-ilahon markite-hite angka parange ni halahi. Songon angka binatang na mardalan di ramba i do halahi jana na dung diparade Debata do inganan di halahi salolot-lolotna di hagolapan na jumorbut.