PODA 20:19 - BIBEL JAMITA NA DENGGAN

¹⁹ Nada tarsimpan na ramos mangecet rahasia; jana dohot halak na mabekbektu indangkon sai mardongan iba.

PODA 20:19 ပူးပေါင်းရင်းမြစ်များ

MASMUR 101:5

Halak na mamurai di na buni, pasidungonku noma i. Halak na sombong dohot siginjang roha nada huhagioti.

PODA 11:13

Halak siginjang dila nada haposan maniop rahasia; tapi sanga ise na setia, i do na gabe pos ni roha.

PODA 13:3

Halak na jamot mandok hatana, gabe aman; halak na purpur hatana dondonan ni partinaonan.

PODA 16:29

Halak na kejam manipu donganna, jana mangago ale-alena.

PODA 18:8

Songon sipanganon na tabo do hobar na pajatjatkon, manigor bonduton do i.

PODA 24:21

O anakku, habiari ma Tuhan, jana pasangap ma raja. Ulang ho dohot-dohotan tu na mangalo halahi.

HAMALIMON 19:16

Ulang sai dokkon barita-barita gabus sanga tu ise pe. Muda marguru di parkaro ni sada-sada halak noma ngoluna sanga hamamatena hatiha ditimbang parkarona i, mangkuling ma ho muda tarbaen hasaksianmi mangurupisa. Au do Tuhan.

SURAT NI SI PAULUS TU PARLAGUTAN ROM 16:18

Harana anggo halak sisongon i nada tu Kristus Tuhanta i halahi markarejo, tapi laho palalu na di roha ni halahi sajo do. Markite-hite hata na lambok jana na tabo begeon, dipaoto-oto halahi do angka halak na bulus roha.