PODA 20:15 - BIBEL JAMITA NA DENGGAN

¹⁵ Ummarga do hata na marisi parbinotoan sian sere dohot sian parmata.

PODA 20:15 ပူးပေါင်းရင်းမြစ်များ

PODA 15:23

Denggan ma da sude hata na dipajojor topet di hatihana!

PODA 15:7

Halak na bisuk jana na marroha do pabidang habisuhon, nada halak na bodo jana na so marparbinotoan.

PODA 16:16

Ummarga do dapotan habisuhon dohot parbinotoan, ulang pado dapotan sere dohot perak.

PODA 16:21

Nitanda do halak na marroha sian parbinotoanna. Hatana mur manarik, boti muse paposkon roha.

PODA 16:24

Hata na burju tudos tu manisan; tonggi ma i jana pasehatkon pamatang.

PODA 20:14

Sai na humolos do panobusi salaho tu arga ni sitobusan. Tapi dung ditobusi, sonang rohania di arga na dapotnia.

PODA 20:16

Sanga ise na mananggung utang ni halak na so nitandana, patut dibuat sinadonganna gabe jaminan ni janjina.

PODA 25:12

Panggora ni halak na bisuk tu halak na ra manangihonsa, tudos tu tintin sere do i sanga parhiasan sigodang arga.

PODA 3:15

Ummarga do habisuhon umpado angka permata; jana sude na nihalungunkonmu nada tuk manyarupaisa.

PODA 5:2

anso diboto ho marparange na ture jana tarida ma sian hatamu na adong parbinotoanmu.

PODA 8:10

Argahon ma sipaingotku mangalobii perak na asli, haporluhon ma parbinotoan manyalpui sere na polin.

PODA 8:11

Angke ummarga do habisuhon sian permata; nada tarpatudos tusi bagi aha diparhagiot jolma.

EPESUS 4:29

Muda mandok hata hamu, ulang ma pake hamu angka hata na so ture. Angka pandohan na manogu dohot na mangurupi tu dongan na asing ma pake hamu. Angka pandohan na songon i do na padenggankon tu angka dongan na umbegesa.