PODA 2:4 - BIBEL JAMITA NA DENGGAN

⁴ Jalahi ma i songon na manjalahi sere, jana kojar ma i songon na mangkojar arta na buni.

PODA 2:4 ပူးပေါင်းရင်းမြစ်များ

PAMUNGKAAN 26:32

Laing di ari i, ro ma da angka naposo ni si Ishak paboahon tusia taringot tu sumur na nihuar ni halahi. Didok halahi, “Ma dapot hami aek.”

JOB 3:21

Umpor do roha ni halahi di kuburan ulang di harto, nipainte-inte hamatean, hape laing so ra ro.

MASMUR 119:127

Huhaholongi do angka parentaMu lobi sian sere na pita.

MASMUR 119:14

Marjop ni roha do au hara ni angka parentaMu, songon na maniop sinadongan na bahat.

MASMUR 119:72

Ummarga do di au TonaMu ulang pado sude sinadongan na di tano on.

MASMUR 19:10

Ummarga sian sere na polin do Tona Ni Tuhan tumonggi do i sian manisan.

PODA 16:16

Ummarga do dapotan habisuhon dohot parbinotoan, ulang pado dapotan sere dohot perak.

PODA 2:3

Olo, ale anakku, halungunkon ma parbinotoan jana pangido ma pangastuion.

PODA 23:23

Angka tona ni Tuhan, bisuk, pangajaran, dohot pangastuion patut do tobusan sudena i, tapi maargatu do i gadison.

PODA 4:7

Pangalaho na umpenting angkon patulusonmu, i ma na parayakkon habisuhon. Sanga aha pe na nikojarmu, na umporlu, i ma angkon usahahononmu dapotan pangastuion.

PODA 8:17

Huhaholongi do na marholong ni roha di au; na manjalahi au, gabe dapot ia do au.

PARJAMITA 4:8

Adong do halak na mamunjung ngoluna so mardakdanak, sanga pe marhahanggi. Haru songon i pe, laing marsitutu do ia karejo jana rohania pe nada jungada sonang dibaen artania. Na giot di ise dehe ia maridi hodok dohot na manulak sude hasonangan? I pe laing magopo do, jana i ma sada parngoluon na mardangol.

MATEUS 13:44

“Anggo Harajaan Ni Banua Ginjang, tarsongon arta na arga do i, na tanom di bagasan ladang. Jadi dapot sada halak ma i. Ditabunihon ia ma mangulahi tu bagasan ladang i. Jadi hara ni jop ni rohania, digadis ia ma sude sinadongannia. Mulak ma ia, ditobusi ia ma ladang i.”

MATEUS 19:29

Angke sanga ise na maninggalkon bagasna, sanga kahanggina, sanga ibotona, sanga pe inangna dohot amangna, sanga dakdanakna, sanga sabana hara ni Au, saratus lompit ma jagiton ni halahi mangulahi. Nilehen muse dope disia hangoluan na so mantak.

LUKAS 16:8

Dung i dipuji tuan ni bendahara i ma habisuhon ni bendahara na geduk i; angke umbisuk do angka jolma portibi on taringot tu angka urusan ni halahi ulang pado anak ni hatorangan i.”