PODA 2:19 - BIBEL JAMITA NA DENGGAN

¹⁹ Sanga ise na mandapotkon i nada jungada mulak be i tu dalan na manuju hangoluan.

PODA 2:19 ပူးပေါင်းရင်းမြစ်များ

MASMUR 16:11

Dipatidahon Ho do tu au dalan hangoluan; rap dohot Ho mambaen au gok hamogaan dipapuas Ho rohangku salolot ni lolotna.

MASMUR 81:12

Gabe Hupadiar noma halahi papir rohana, jana marsibaen roha-rohana.

PODA 4:18

Songon parbincar ni mataniari do anggo dalan na nibolus ni halak na denggan; mur lolot mur torang, jana ujungna ari pe gabe torang sajo.

PODA 5:11

Dung i mangarar ma ho hancitan painte-inte ajalmu jana abis ma pamatangmi panganon ni nyae.

PODA 5:6

Nada dipikiri ia dalan hangoluan, madung manyirpang ia, jana nada diboto sanga aha sidalananna.

PODA 6:32

Tapi halak na markarosuan, na hurang roha do ia disi angke na manyegoi dirina sandiri do ia disi.

PARJAMITA 7:26

Dapot au bahaso umpaet do dadaboru sian hamatean. Songon jala dohot tirangkap na cokang manangkup sitangkuponna do holong ni roha ni dadaboru. Panghaolna songon rante pambobok na togu. Malua do joratna i sanga ise na patuluskon lomo ni roha ni Debata, tapi anggo halak pardosa dapot do baenonna.

JEREMIA 13:23

Bisa ma he digonti halak Etiopia kulitna sanga babiat pauba bolangna? Bisa ma he hamu mambaen na denggan, hamu angka na dung somal mangkarejohon hajahatan?

HOSEA 4:14

Tapi nada uhumonKu halahi hara ni i, angke hamu sandiri pe kehe do tu angka panggampang na markarejo di angka bagas parsombaan, jana dihaulkon hamu do haul tu debata rap dohot halahi. Tutu situtu ma da na nidok ni pandohan on, ‘Jana bangso na so marpangastuion angkon maronco.’

IBRANI 6:18

Dua pangalaho na so ra muba; nada margabus Debata di janji dohot sumpaNia! Hara ni i, hita angka na marlinggom tu Debata, adong do di hita jaminan na togu anso tongtong mararop ni roha tu na nipasingkop di hita di hatiha na giot ro.