PODA 2:13 - BIBEL JAMITA NA DENGGAN

¹³ Nada ra be halahi mangolu mangihutkon dalan na sintong, hara ni na mangihutkon parngoluon na gok dosa.

PODA 2:13 ပူးပေါင်းရင်းမြစ်များ

MASMUR 14:3

Tapi sude halak madung lilu jana jorngang, nada adong na mambaen na denggan, umpe sada.

MASMUR 36:3

Gok sipaoto-oto, jahat angka hatana, anggo na denggan dohot habisuhon nada dibaensa.

MASMUR 82:5

Nada adong diboto hamu, jana nada diastui hamu, hum hara ni hamu, gabe sego sude aturan ni masarakat.

PODA 21:16

Jolma na so mangihutkon parngoluon ni halak na marroha, pasti muli lalu tu portibi ni halak na mate.

PODA 4:19

Sabalikna, anggo dalan ni halak na jahat golap do songon golap ni borngin. Tinggang ma halahi nada dibotosa sanga hara ni aha.

JESAYA 59:8

Nada daionmunu hasonangan ni roha. Sude do parbuatanmunu na so tigor. Marbulut-bulut do dalanmunu, jana nada sonang sanga ise halak na mangihutkon dalanmunu i.

JEHESKIEL 18:26

Muda nada be mambaen na denggan halak na burju, jana mamungka ia mambaen na jahat, mate noma i, hara ni hajahatan na nibaennia i.

ZEPANYA 1:6

AbiskononKu ma halahi na so ro tu Au sanga na so mangido panogu-noguon tu Au dohot na dung marbalik manadingkon Au jana na so ra be mangihutkon Au.”

JOHANNES 1:6

Ro ma halak na niutus ni Debata, si Johannes goarna.

JOHANNES 12:35

Dialusi Jesus ma, “Santongkin nari sajo noma hatiuran i di tonga-tongamunu. Jadi dalani hamu ma sidalananmunu salolot laing adong na torang i anso ulang ditutupi hagolapan i hamu. Sanga ise na mardalan di na golap nada diboto ia sanga na giot tu dia ia kehe.

SURAT NI SI PAULUS TU PARLAGUTAN ROM 1:21

Ditanda jolma do nian Debata, hape nada ra jolma i pasangapkon Ia songon Debata, jana nada ra halahi mandok tarimakasi tuSia. Tu angka na so marguna do dipikiri halahi; gabe manggolap ma roha ni halahi.

2 TIMOTEUS 4:10

harana madung ditinggalkon si Demas au hara ni holong ni rohania tu portibi on. Madung kehe ia tu Tessalonika. Si Kreskes pe madung kehe tu Galatia jana si Titus tu Dalmatia.

1 JOHANNES 2:19

Angka halak na dung manadingkon hita do anggo angka musu ni Kristus i, tapi nada halak na masuk tu hita hian halahi. Sugari halak na masuk tu hita hian halahi, tontu angkon tongtong do halahi rap dohot hita. Tapi morot do halahi sian hita anso torang tarida na so masuk tu hita hian sahalak pe sian halahi.