PODA 2:12 - BIBEL JAMITA NA DENGGAN

¹² jana sundatanna ma ho mangkarejohon na sala, boti muse padaoonna ma ho sian angka jolma na patubu-tubu parbadaan.

PODA 2:12 ပူးပေါင်းရင်းမြစ်များ

MASMUR 101:4

Hupasiding hagedukan jana mandao do au sian hajahatan.

MASMUR 141:4

Padao ma au sian hagiot mambaen na jahat dohot sian pangalaho na so jadi. Ulang paloas au mardongan dohot halak na so ture jana dohot mangan di pesta ni halahi pe.

PODA 10:32

Halak na bulus marroha pangkataina pasonang roha; hata ni halak na jahat sai pahancit roha.

PODA 13:20

Muda mardongan dohot halak na marroha, gabe marbisuk iba; muda margaul tu halak na bodo, gabe iba hona mara.

PODA 23:33

Ligionmu ma angka na so pade harana madung sala pangaligimu, jana gaor ma panghobarimu.

PODA 28:26

Sanga ise na mangasahon pandapotna sandiri, nada adong na binotona. Sanga ise na mangihutkon pangajaran ni halak na marroha maruli hangoluan.

PODA 3:32

angke sogo do roha ni Tuhan mida halak na mambaen na jahat, tapi dipatulus Ia do sangkap ni halak na tigor.

PODA 6:12

Kehe do mangadangi halak na jahat mangkecetkon gabus.

PODA 8:13

Biar mida Tuhan dos do i dohot na magigi mida hajahatan; nada huhagioti ginjang ni roha dohot hagakgakan. Goyak do rohangku mida pangalaho hajahatan, dohot hata-hata na mambaen haliluan.

PODA 9:6

Tadingkon ma halak na oto, anso mangolu hamu; jana ihutkon ma dalan ni halak na marroha.”

BAENON NI ANGKA RASUL 20:30

Salang sian tonga-tongamunu sandiri pe, tarida ma angka halak sidok hata na so tutu. Anso gabe lilu sanga ise na dung porsaya tu Jesus jana mangihut tu halahi, i do tujuan ni halahi.

1 KORINTUS 15:33

Ulang jabat tarpaoto-oto hamu! Muda dipardongan hamu halak na jahat, gabe jahat muse do parangemunu na denggan i.

2 KORINTUS 6:17

Hara ni i, morot ma hamu sian angka halak na so mananda Debata i, jana marsirang ma hamu sian halahi. Sandok, ulang ma marpardomuan hamu tu na hodar, dung i jagitonKu ma hamu.