PODA 2:1 - BIBEL JAMITA NA DENGGAN

¹ Jagit ma angka pangajaranku, ale anakku, jana paingot-ingot ma angka sipaingotku tu ho.

PODA 2:1 ပူးပေါင်းရင်းမြစ်များ

JOB 23:12

Sai na huhaburjuhon do mangoloi angka parenta ni Debata, huihutkon do hagiotNia, nada nioloan giot-giotniba.

MASMUR 90:12

Sai ajari ma hami mangetong angka ari-arinami, anso dapotan roha na bisuk hami.

PODA 1:3

Diajari angka poda on do halak sanga na bia dalanna anso marngolu na bisuk, jujur, tigor dohot burju.

PODA 28:7

Doli-doli na mangoloi uhum, i ma halak na marroha. Tapi halak na mardongan dohot halak na mermur, amangna do na dipailasa.

PODA 3:1

Ulang ma halupahon sanga aha na dung huajarkon tu ho, ale anakku. Sai paingot-ingot ma na huparentahon,

PODA 4:1

Hamu ale dakdanak, tangihon hamu ma sipaingot ni amangmu! Parrohahon ma i, jadi gabe marbisuk ma ho.

PODA 4:10

Ale anakku! Tangihon ma sipaingotku anso ginjang umurmu dohot dalan na sintong.

PODA 6:21

Simpan ma i di bagasan rohamu, jana parborgok ma i.

PODA 7:1

Ale anakku, ingot ma na hudok tu ho, jana ulang halupahon na hudok karejohononmu.

PODA 8:1

Tangihon ma! Pio-pio do habisuhon, dipatubegehon hapistaran do soarana.

PODA 9:1

Dipajongjong habisuhon do bagas, jana dibaen ia do pitu tiangna.

MATEUS 13:44

“Anggo Harajaan Ni Banua Ginjang, tarsongon arta na arga do i, na tanom di bagasan ladang. Jadi dapot sada halak ma i. Ditabunihon ia ma mangulahi tu bagasan ladang i. Jadi hara ni jop ni rohania, digadis ia ma sude sinadongannia. Mulak ma ia, ditobusi ia ma ladang i.”

LUKAS 2:19

Tapi anggo si Maria disimpan ia ma sudena i di bagasan rohania mamikirkon sanga aha arti ni sudena i.

LUKAS 2:51

Dung i mulak ma Jesus rap dohot halahi tu Nasaret, mangoloi tu halahi. Sudena i disimpan inangNa i ma di bagasan rohania.

LUKAS 9:44

“Tangkas ma parrohahon hamu na Hudok on: Pasahaton ma Anak Ni Jolma i tu kuaso ni jolma.”

PANGARATAION 30:13

Nada di bariba ni laut muse ingananna. Indangkon pola marsapa hamu, ‘Ise ma he na manaripari laut i dohot na marobansa tu hita anso tarbaen hita manangihon dohot mangoloisa?’

1 TIMOTEUS 1:15

Hata na tutu do pandohan on, na patut jagiton jana sihaporsayaan – : “Ro pe Kristus Jesus tu portibi on na giot paluahon halak pardosa do.” Jana sian sude halahi, au ma na umbahat dosana.