PODA 19:7 - BIBEL JAMITA NA DENGGAN

⁷ Halak na pogos menek do di kahanggina, tarlobi-lobi dope di dongan-donganna. Sanga na bia pe dibaen ia, nada tarbuat ia rohana.

PODA 19:7 ပူးပေါင်းရင်းမြစ်များ

MASMUR 38:11

Mandao be ma ale-alengku hara ni nyaengku, salang koum sisolkotku pe mandao do sian au.

MASMUR 38:12

Halak na sai giot mamunu au, manaon jorat; sasadari hum na mambaen tahi na jahat, laho mangago au mardongan tipu akalna.

MASMUR 88:18

Dipadao Ho sian au angka ale-ale dohot donganku, hum hagolapan ma na tading mandongani au.

MASMUR 88:8

Dipadao Ho angka sitandaanku sian au dibaen Ho au di halahi gabe sihagigian, dihobuk au nada tarbaen luncat.

PODA 10:15

Diondihon sinadongan i do na kayo, tapi disegoi hapogoson i do halak na pogos.

PODA 14:20

Halak na pogos nada dihajopkon, salang hombar bagasna; hape anggo halak na kayo bahat do donganna.

PODA 18:23

Halak na pogos marsopan do mangido; mardongan songgak-songgak do alus ni halak na kayo.

PODA 19:4

Halak na kayo sai martamba do donganna; halak na pogos mur dohot do donganna manadingkonsa.

PODA 21:13

Sanga ise na so ra manangihon holos ni halak na hurangan, nada diparrohahon be ia sandiri muda mangido partolongan.

PODA 27:10

Ulang halupahon donganmu dohot dongan ni amangmu. Di hasusaan, ulang pangido bantuan ni kahanggimu; margunaan do hombar bagas na donok ulang pado dongan saama-saina na dao.

JAKOBUS 2:6

Hape anggo hamu, mur dipabile hamu do halak na pogos haru pe nian angka halak na mora i do mamisat hamu dohot na manyarat hamu tu paruhuman!