PODA 19:3 - BIBEL JAMITA NA DENGGAN

³ Adong do halak na manyegohon dirina hara ni haotoonna, dung i Tuhan ma dipasala ia.

PODA 19:3 ပူးပေါင်းရင်းမြစ်များ

2 RAJA-RAJA 6:33

Inda jabat sidung dope si Elisa na mandok hata i, ma lalu raja i disi jana didok ma, “Tuhan do mambaen hasusaan on tu hita! Jadi aha dope he gunana arop rohangku di pangurupiNia?”

JOB 15:13

muruk ho tu Debata jana mangalosa.

MASMUR 37:1

Ulang pola marsak ho hara ni halak na jungkat, ulang mangiburu ho mida halak sibaen na jahat.

MASMUR 37:7

Pasonang ma rohamu paintehon Tuhan, sobar ma ho paima-imahon lopus dibaen Ia tindakan. Ulang mangiburu mida halak na mardohar, na mandapot hara ni na paoto-otohon.

PODA 11:3

Halak na denggan ditogu hajujuronna; halak na sai margabus, dilantuk gabusna.

JESAYA 32:6

Halak na bodo mandok hata ma i songon na bodo, jana na mambaen sangkap na jat. Sanga aha pe na nibaen sanga na nidoknia, laing matua palayaskon Tuhan do i. Na so unjung do ia mangalehen mangan di halak na malean sanga minum tu halak na manguas.

ANDUNG 3:39

Biasi angkon sai holsoan hita muda diuhum hita hara ni angka dosanta?

JEHESKIEL 18:25

Betak adong muse na mandok di bagasan rohana songon on, ‘Sala do na nibaen ni Tuhan i.’ Tangihon hamu ma ale halak Israel! Na sala dehe na Hubaen i? Hamu do na sala.

1 SAMUEL 13:13

Umbege i gabe didok si Samuel ma tu si Saul, “Santak do bodona na nibaen ni raja i. Sugari sura dioloi raja i parenta ni Tuhan Debata na tu raja i, pasti do pahoton ni Tuhan raja i dohot pomparan ni raja i di Israel salolot-lolotna.

1 SAMUEL 15:23

Angke na mangalo tu Tuhan tudos tu na padalan aji do jahat ni i jana hatangkangon sarupa do jahat ni i tu na manyomba debata. Dibaen madung ditulakkon raja i parenta ni Tuhan, jadi Tuhan i pe madung manulakkon raja i songon sada raja.”