PODA 19:27 - BIBEL JAMITA NA DENGGAN

²⁷ O anakku, muda nada be ra ho marsiajar, lupa ma ho di na niparsiajaranmi.

PODA 19:27 ပူးပေါင်းရင်းမြစ်များ

2 SAMUEL 13:5

Dung i didok si Jonadab ma tusia, “Modom ma ho di podoman, tarsongon na marnyae. Muda ro amanta mangaligi ho, dokkon ma tusia, ‘Paloas ma jolo amang ro si Tamar mangalehen au mangan. Anggo tarbaen do mangaligi ia mangalompa sipanganon i dison, lobas au ma mangan.’ ”

2 JUJUR TAON 10:10

Dialusi halahi ma, “Songon on ma sugari sura didok raja i tu halahi, ‘Sagale-galena au, laing gumogo dope au sian damang.

PODA 14:7

Pasimbil ma halak na bodo, harana nada adong dapot parbinotoan sian i.

PODA 19:26

Anak na mamparhanciti jana paorot simatobangna, i ma anak hahaila jana targora.

PODA 19:28

Sada saksi pargabus palayasonna do hatigoran; dabuhonon ni hajahatanna do hatigoran.

JEREMIA 27:9

Ulang patangi-tangi hamu angka panurirang, sanga na ise pe tehe na mangorai hamu tunduk tu raja ni Babel, haru pe dioku halahi na dung manjagit panuturion halahi sian nipi, angka tondi na so niida, sanga marhite gogo ni hadatuon.

MATEUS 16:12

Ujungna gabe diboto halahi ma astuan ni na nidokNia i. Disuru Jesus pe halahi manat-manat nada na mandok taringot tu ragi na nipake laho mambaen roti. Tapi taringot tu pangajaran ni halak Parise dohot Saduse do.

MATEUS 16:6

Didok Jesus ma tu halahi, “Manat-manat jana jamot ma hamu adop ragi ni angka Parise dohot Saduse i.”

MATEUS 7:15

“Jago-jago ma hamu tu angka panurirang pargabus. Songon biri-biri do idaon haroro ni halahi tu hamu, tapi anggo di bagasan satutuna songon sorigala panyoro do halahi.

MARKUS 4:24

Didok Jesus dope muse. “Parrohahon hamu ma sanga aha na nibegemunu on! Muda bahat do dikarejohon hamu, laing bahat muse ma lehenon ni Debata di hamu. Lobi dope sian na nihalojahonmunu. Tapi muda otik do dikarejohon hamu, otik muse ma jagitonmunu.

JOHANNES 10:5

Nada ra be halahi mangihut tu halak na asing, marlojong do halahi kehe manadingkon halak na asing, harana nada ditanda halahi sorana i.”

EPESUS 4:14

Jadi nada be dakdanak hita na so marhatontuan jana na taroban-oban tu jae tu julu baenon ni angka pangajaran na marragam rupa na sian halak na bisuk. Lilu do halak dibaen halahi hara ni malo-malo ni halahi.

1 TIMOTEUS 4:7

Padao ma ho sian angka turi-turian na so ture. Gumonan ma pasomal-somal dirimu marhadaulaton tu Debata.

1 JOHANNES 4:1

Angka dongan na nihaholongan! Ulang ma hamu porsaya tu ganop tondi, tapi uji hamu ma angka tondi i sanga na marharoroan sian Debata do i, harana madung bahat angka panurirang pargabus ro tu portibi on.

2 JOHANNES 1:10

Hara ni i, muda adong halak na ro jana manjamitahon tu hamu pangajaran na so niajarkon ni Kristus, ulang ma jagit hamu halakna i di bagasmunu; jana ulang dok hamu “Horas” tu halahi.

HALUMBAAN 2:2

Huboto do sanga aha na nibaenmunu: Madung disitutui hamu karejo jana sobar sajo do hamu. Huboto do na so dilehen hamu rohamunu tu angka halak parjahat. Jana madung diuji hamu angka halak na mangoku dirina rasul, hape na so tutu do, gabe tardapot do halahi pargabus dibaen hamu.