PODA 19:16 - BIBEL JAMITA NA DENGGAN

¹⁶ Muda giot malua angkon nioloan do parenta ni Debata; muda nada argahononmu, mate noma ho, da!

PODA 19:16 ပူးပေါင်းရင်းမြစ်များ

JOB 5:2

Hum halak na bodo sun do na mate hara ni hancit ni rohana sajo.

MASMUR 103:18

di halak na marsitiopan tu parjanjianNa, dohot na marsitutu mangoloi parentaNa.

PODA 13:13

Sanga ise na manulak poda mananggung resikona, tapi sanga ise na mangoloi parenta, dapotan upa do ia.

PODA 15:32

Halak na so ra diajar, na so mangargai dirina sandiri; tapi sanga ise na manangihon dapotan habisuhon.

PODA 16:17

Pasimbil hajahatan i do dalan na tutu, sanga ise na manjago dalanna, i do manjagohon hosana.

PODA 21:16

Jolma na so mangihutkon parngoluon ni halak na marroha, pasti muli lalu tu portibi ni halak na mate.

PODA 21:23

Laho pasiding hasusaan, patut do jamot di pandohanna.

PODA 22:5

Tirangkap dohot jorat adong do i di dalan ni halak ma jahat; sanga ise na giot manjagohon ngoluna, dipadao ma dirina sian i.

PODA 29:18

Muda nada adong panogu-noguon ni Tuhan di sada bangso, gaor ma bangso i. Martua ma halak na maniop uhum.

PODA 3:1

Ulang ma halupahon sanga aha na dung huajarkon tu ho, ale anakku. Sai paingot-ingot ma na huparentahon,

PARJAMITA 12:13

Dung hutimbang sasudena, on ma na dapot au panyimpulina. Habiari ma Debata jana oloi ma sude parentaNa, angke hum na giot tusi do jolma i ditompa.

PARJAMITA 8:5

Halak na mangoloi parenta, sai na malua do i jana sonang. Halak na pistar diboto do sanga andigan jana bia mangoloi raja.

JEREMIA 7:23

Anggo na Huparentahon tu halahi, hum pangoloion tu Au do anso Au gabe Debata ni halahi, jana halahi gabe bangsongKu. Husuru halahi anso mangolu mangihutkon angka na Huparentahon anso martua halahi.

JEHESKIEL 33:5

Dibege ia do sora ni sarune i, tapi nada ra ia dipasingot, mate ma ia hara ni salania sandiri. Muda ditangihon ia do sipasingot i, malua ma hosana.

MATEUS 16:26

Aha ma he labo ni halak, muda ia nampuna sude na satano on, anggo mago do sian ia ngolunia? Targonti ma he ngolu i sanga na dohot aha?

LUKAS 10:28

Didok Jesus ma, “Tutu do alusmi. Baen ma songon i, gabe mangolu ma ho.”

LUKAS 11:28

Tapi dialusi Jesus ma, “Sanga ise na umbege hata ni Debata jana na mandalankonsa, halahi do na martua situtu!”

JOHANNES 14:15

“Muda holong rohamunu tu Au, dalankononmunu do angka na Huparentahon.

1 KORINTUS 7:19

Rap na so marguna do na mangoloi aturan ni sunat dohot na so mangoloi. Mangoloi parenta ni Debata do na porlu.

1 JOHANNES 3:22

Jana sanga aha pe na tapangido sian Ia, dapot hita do i, angke burju do hita mangoloi angka tonaNia dohot patuluskon sanga aha na tumbuk tu rohaNia.

1 JOHANNES 5:3

Angke muda nidok mangkaholongi Debata, na mangoloi angka tonaNia do astuan ni i. Jana nada pola borat di hita angka tonaNia i,

HALUMBAAN 22:14

Martua do sanga ise halak na paiaskon baju jubana lopus ias. Halahi do na tola mangankon batu ni hayu hangoluan dohot na tola mandalani masuk tu kota i sian harbanganna i.