PODA 18:4 - BIBEL JAMITA NA DENGGAN

⁴ Hata ni jolma bolas gabe haroroan ni bisuk na bagas songon lautan jana borgo songon aek ni batang aek na mardalan sun tu dia.

PODA 18:4 ပူးပေါင်းရင်းမြစ်များ

MASMUR 78:2

Giot dokkononku ma pandohan dohot umpama, patorangonku ma torkan-torkanan sian narobi.

PODA 10:11

Pamangan ni halak partigor i do haroroan ni ngolu, tapi manyimpan hakejamon do pamangan ni halak parjahat.

PODA 13:14

Haroroan ni ngolu do pangajaran ni halak na bisuk, na mambaen malua halak sian parmaraan.

PODA 16:22

Halak na marroha maruli ngolu sian habisuhonna; tapi muda habodoon, sitaonon do i di na bodo.

PODA 18:3

Dosa dohot habilean rap udur do i mardalan; muda dung targora pasti muse ma niincahan.

PODA 20:5

Isi ni roha ni jolma tarsongon sumur na bagas; tapi tartimba halak na adong parbinotoanna do sumur na bagas i.

MATEUS 12:34

O hamu pomparan ni ulok, songon dia dehe tarbaen hamu mandok angka na denggan, angke na jahat do hamu? Angke, sanga aha na manggohi roha, matua i do hobarkonon ni pamangan!

JOHANNES 4:14

tapi anggo halak na manginum aek na giot lehenonKi disia, nada manguas be ia salolot-lolotna. Angke anggo aek na giot lehenonKi angkon gabe sada mata mual na marbuldak-buldak do i di dirinia jana mangalehen hangoluan na so mantak.”

KOLOSSE 3:16

Sai mur maringan ma angka pangajaran ni Kristus tu bagasan rohamunu jana dilehen ma pasupasuNa di hamu mardapot-dapot. Marsiajar-ajaran ma hamu jana marsipaingotan samalomunu. Endehon hamu ma Masmur dohot puji-pujian bope angka ende partondion tu Tuhan. Mardongan hatarimakasion sian bagasan rohamunu, marende ma hamu tu Debata.

KOLOSSE 4:6

Sanga aha pe na nidokmunu sai na tabo begeon ma, jana sai hata na mardai ma dokkon hamu. Malo ma hamu sanga tarsongon dia sadengganna mangalusi angka sapa-sapa ni halak.