PODA 18:3 - BIBEL JAMITA NA DENGGAN

³ Dosa dohot habilean rap udur do i mardalan; muda dung targora pasti muse ma niincahan.

PODA 18:3 ပူးပေါင်းရင်းမြစ်များ

NEHEMIA 4:4

Jadi gabe martangiang ma au, “Ale Debata, tangihon ma sanga bia hami dipalayas. Tu ginjang ni ulu ni halahi sandiri ma timpalkon halayason i. Sugari hona rampas ma nian sude sinadongan ni halahi i jana hona oban nian halahi gabe taban tu tano na asing.

MASMUR 69:20

Magopu pangkilalaanku hara ni tilako malu-malu, gabe putus asa noma au. Sai hujalahi do halak na maribo ni roha nian hape so adong, hulului pangapoi, hape magopo do.

MASMUR 69:9

Holong ni roha tu BagasMu pagurgurkon rohangku, incak ni halak na palayas goarMu mandondoni au.

PODA 11:2

Halak na bulbul, hona layas do i sanoli on; tapi jumpang do habisuhon di halak na toruk marroha.

PODA 13:5

Halak na jujur nada dihagioti pargabuson, tapi pangalaho ni na jahat hahaila do dohot sigoraon.

PODA 18:2

Halak na oto nada ra nilehen pangastuion; giotnia hum na patuduhon hamaloon.

PODA 18:4

Hata ni jolma bolas gabe haroroan ni bisuk na bagas songon lautan jana borgo songon aek ni batang aek na mardalan sun tu dia.

PODA 22:10

Paorot ma halak na sai tagi patubu-tubu layas jadi gabe mantak ma bada dohot na marsitilakoan.

PODA 29:16

Muda markuaso halak na jahat, martamba ma hajahaton. Tapi jabat do idaon ni halak na tigor hamamago ni halak na jahat.

1 PETRUS 4:14

Na maruntung do hamu muda dipabile halak hamu songon sada siihutkon Kristus. I ma tandana paboahon na maruli Tondi na sangap hamu, i ma Tondi Parbadia.

1 PETRUS 4:4

Saonnari gabe homang ma roha ni angka halak na so mananda Tuhan i hara ni na so dohot be hamu mandohoti ngolu na so denggan i songon halahi. Hara ni i ma umbaen na nitilakoan ni halahi hamu.

1 SAMUEL 20:30

Umbege i, manigor gilap ma dihilala si Saul tu si Jonatan jana didok ma tusia, “Anak gampang ho! Saonnari ma huboto hape na mamihak tu si Daud do ho jana dipaila ho dirimu sandiri dohot inangmu!