PODA 18:23 - BIBEL JAMITA NA DENGGAN

²³ Halak na pogos marsopan do mangido; mardongan songgak-songgak do alus ni halak na kayo.

PODA 18:23 ပူးပေါင်းရင်းမြစ်များ

PAMUNGKAAN 42:30

“Kasar do pangkuling ni gubernur ni halak Mesir i tu hami jana didok ia do hami na mamata-matai tu luat i.

PAMUNGKAAN 42:7

Disi diida si Josep angka angkangnia i, manigor ditanda ia do halahi, tapi dipaula ia ma songon na so nitandania halahi. Jadi disonggak ia ma halahi laho manyapai, “Sian dia do hamu?” “Na sian Kanaan do da hami laho manobusi panganon,” ning halahi mangalusi.

1 RAJA-RAJA 12:13

Hape nada dipardulihon raja i anggo sipaingot ni na tobang-tobang i. Kasar do pambaennia mangalusi rayat na marroan i

2 JUJUR TAON 10:13

Maralo tu sipaingot ni angka na tobang-tobang i, kasar do pangkulingnia tu rayat na marroan i tusia,

JOB 41:3

Mungkin ma he ra ia mangido anso dipalua ho? Sanga martahi tu ho, mangido ibo ni roha sian ho?

HARURUAR 5:2

Disapai raja Mesir i ma, “Ise dehe Tuhan i? Biasi angkon tangihononku i, jana paloasonku kehe bangso Israel? Nada hutanda Tuhan i, jana halak Israel pe nada huloas kehe.”

PODA 19:7

Halak na pogos menek do di kahanggina, tarlobi-lobi dope di dongan-donganna. Sanga na bia pe dibaen ia, nada tarbuat ia rohana.

PODA 22:7

Guru dok ni paradongan do halak na pogos gabe hatoban ni parsingir do parutang.

JESAYA 66:2

Nada he tanganKu do mambaen sasudena umbahen masa na songon on? Songon i do pandok ni Tuhan. Tapi tu halak si songon on ma nolnol Au marnida, jolma na tartindas dohot na maheu, na mabiar tu hatangKu.

MATEUS 5:3

“Martua ma angka na dangol di tondina, dibaen di halahi do Harajaan Ni Banua Ginjang!

JAKOBUS 2:3

gabe sumangapan ma hamu tu bayo na marpakean na jeges i. Dokkononmunu ma tusia, “Di karosi na jumegesna on ma tuan i juguk.” Hape anggo tu bayo na pogos i dokkononmunu ma, “Disadu ma ho jongjong,” sanga “Dilante on ma da pajuguk.”

JAKOBUS 2:6

Hape anggo hamu, mur dipabile hamu do halak na pogos haru pe nian angka halak na mora i do mamisat hamu dohot na manyarat hamu tu paruhuman!

RUT 2:7

Ma dipangido ia tu au anso tola ia dohot di pudi ni angka parkarejo i manjomputi burir-burir na mardabuan i. Sian na sogot do ia mamungka markarejo, jana saonnari na baru maradian pe ia laho marsilaung jana so santongkin.”

1 SAMUEL 2:36

Ganop pomparanmu na mangolu, kehe ma tu malim i jana pangidoonna ma hepeng sanga panganon. Pangidoonna ma, ‘Paloas ma au mangurupi angka malim, anso laing mangan au bope hum sampohul pe.’ ”

1 SAMUEL 25:10

Tapi dialusi si Nabal ma, “Si Daud? Ise dehe i? Nada unjung dope hubege taringot tu bayo i! Di hatiha na parpudi on, bahat do hatoban na lari sian tuanna di luat on!

1 SAMUEL 25:17

Antong ditimbang nyonya i ma pangalaho on, jana diputuskon hamu ma sanga aha na tarpatupa hamu. Angke ro ma halahi mamaloskon tu tuan i dohot tu sude pangisi ni bagasna. Songon i ma jogal ni roha ni tuan i, na so ra do manangihon sanga na ise pe!”