PODA 18:22 - BIBEL JAMITA NA DENGGAN

²² Halak na dapotan boru, mandapot hauntungan; i ma na patuduhon bahaso tusia jop ni roha ni Tuhan.

PODA 18:22 ပူးပေါင်းရင်းမြစ်များ

PAMUNGKAAN 2:18

Dung i didok Tuhan Debata ma muse, “Nada denggan punjung jolma i mangolu. BaenonKu ma donganna na tumbuk mangurupisa.”

PAMUNGKAAN 24:67

Dung i dioban si Ishak ma si Ribka masuk tu bandar ni si Sara inangnia i, jana diparsaripe ia ma si Ribka. Holong do roha ni si Ishak disia jana songon i ma gabe sombu rohania sian arsak na agoan ina i ia.

PAMUNGKAAN 29:28

Satuju ma si Jakob. Jadi dung salpu pesta parbagason i, dilehen si Laban ma dohot si Rahel borunia gabe daboru ni si Jakob. (

PODA 12:4

Dadaboru na burju gabe tuku do i di halaklahina; tapi dadaboru na pailahon, songon bara na mangontak tu holi-holinia.

PODA 19:14

Bagas dohot sinadongan na bolas dapot do i sian ama ina, tapi dadaboru na marroha hum sian Tuhan do dapotna.

PODA 3:4

gabe dapotan holong ma ho dohot hasangapan, di bagasan parnidaan ni Debata dohot jolma.

PODA 8:35

Sanga ise na mandapot au, maruli hangoluan, tusia ma lomo roha ni Tuhan.

PARJAMITA 9:9

Pangkilalahon ma tabo ni ngolu rap dohot dongan saripemu salolot di ngolumu na magopo i, na nilehen ni Debata di ho di tano on. Angke hum i sajo do upa ni halolojamu.

HOSEA 12:12

hape haru songon i pe laing adong do na marsomba gana-ganaan di Gilead dohot na mamelehon lombu di ginjang ni langgatan na di Gilgal. Tapi muli mate do halahi na marsomba gana-ganaan i, jana angka langgatan na di Gilgal i pe gabe batu na nipagukguk di ladang do.”

1 KORINTUS 7:2

Tapi anso ulang targoda di angka pangalaho na markarosuan, dumenggan do ganop halaklahi adong be dadaboruna, bope dadaboru adong be halaklahina sandiri.

RUT 4:10

Jana tamba ni i, hubuat muse ma si Rut, boru Moab, tinggal-tinggalan ni si Mahlon i gabe dadaborungku. Jadi dung songon i laing hot ma tano i gabe nampuna ni sisolkot ni na dung monding i. Jana pomparannia pe laing tongtong adong di tonga-tonga ni koum sisolkotna dohot di kota bona buluna. Ingot hamu ma, na gabe saksina ma hamu sadari on.”