PODA 18:2 - BIBEL JAMITA NA DENGGAN

² Halak na oto nada ra nilehen pangastuion; giotnia hum na patuduhon hamaloon.

PODA 18:2 ပူးပေါင်းရင်းမြစ်များ

PODA 1:22

Ninna do, “Ale hamu angka jolma na oto! Intap ni andigan do giotmunu sai tongtong maoto? Andigan pe ra hamu mantak palayaskon parbinotoan dohot na manulakkon pangajaran?

PODA 1:7

Laho maruli habisuhon angkon jumolo halak marpangkilalaan sangap dohot biar maradopkon Tuhan. Layas do roha ni halak na oto maradopkon habisuhon jana nada ra i niajaran.

PODA 12:23

Halak na marroha nada pajolo-jolohon na binotona; halak na bodo paboa-boahon haotoonna.

PODA 13:16

Jolo marpikir anso nibaen, i do halak na marroha; halak na bodo paboa-boahon haotoonna.

PODA 17:16

Parcuma do halak na bodo pangabis hepeng manjalahi hapistaran, angke nada adong disia pikiran na torang.

PODA 18:3

Dosa dohot habilean rap udur do i mardalan; muda dung targora pasti muse ma niincahan.

PARJAMITA 10:3

Tarida do otona i salang di na mardalan pe ia, jana dipaboa-boa ia do habobangonna i tu halak sudena.

MATEUS 8:34

Jadi ro ma halak kota i mandapotkon Jesus. Jadi dung diida halahi Ia, gomos ma dipangido halahi anso kehe Jesus sian luat ni halahi i.

1 KORINTUS 14:12

Taringot tu hamu sandiri, huboto do na por rohamunu maruli angka hasurungan sian Tondi i. Tapi anggo na dumenggan, angkon marusaho do hamu laho mamake hamaloon i, mangurupi parlagutan i tu hamajuon.

1 KORINTUS 8:1

Taringot tu sipanganon na nihaulkon tu gana-ganaan ma saonnari. Jadi tutu do songon na nidok ni halak, “Na dung marparbinotoan do hita sude.” Tapi hamaloan laho mambaen anso pagodang diri do halak, hape nian anggo holong ni roha i laho padenggankon parrohaon ni halak do i.

PILIPPI 1:15

Tutu do nian adong deba sian halahi na manjamitahon Kristus hara ni na mangiburu bope hara ni na marsalisi, tapi anggo deba hara ni burju ni roha do manjamitahon Kristus i.