PODA 18:14 - BIBEL JAMITA NA DENGGAN

¹⁴ Bisa do halak dapotan gogo na manaon parkancitanna, tapi muda so dapotan gogo, mago ma arop ni roha.

PODA 18:14 ပူးပေါင်းရင်းမြစ်များ

JOB 6:4

Hona tombus ni anak ni pana do pamatangku dibaen Pargogo Na Sumurung i. Manyarira rasunna i tu sude pamatang i. Na sun jebu ni Debata tarlobi sogen sihabiaran, jana manjombai iba songon dia ma parro ni musu marparangan.

MASMUR 109:22

Angke na pogos do au boti na dangol, jana rohangku pe marsingotngot.

MASMUR 147:3

Dipamalum Ia halak na marnyae roha, jana dibalut Ia angka bugangna.

MASMUR 55:3

Lebak do au hara ni pangondam ni musu dibaen panyosak ni halak na jahat, angke disusai halahi do ngolungku, jana panyogo-nyogoon do halahi mamusui au.

MASMUR 55:5

Didondoni biar do au jana humitir, dirongomi pangkilalaan na manyikur.

HARURUAR 6:9

Sude Tona Ni Tuhan i dipabolkas si Musa do tu bangso Israel, tapi nada ditangihon halahi be si Musa dibaen madung mandele halahi patunda ni hancitna parhatobanan i.

PODA 15:13

Muda marjop ni roha halak, mikim ia; tapi muda marsak, markaremut bohina.

PODA 17:22

Muda jop roha, sehat do pamatang. Muda gondok roha, marhancit ma badan.

2 KORINTUS 1:12

Anggo na pagodang rohanami on do: Dipapos taroktoknami do rohanami taringot tu sude na hami karejohon di tano on – lumobi na marpardomuan tu hamu – sian roha na ias jana na polin na sian Debata do hami baen i sudena, nada sian habisuhon ni portibi, tapi sian asi ni roha ni Debata do.

2 KORINTUS 2:7

Saonnari angkon ampunanmunu ma ia jana sosoanmunu mangulahi anso ulang mamarsaktu ia gabe mandele.

JAKOBUS 1:2

Hamu angka dongan! Muda manaon pandugaan na marragam-ragam hamu, etong hamu ma i songon sada hauntungan.

1 PETRUS 1:6

Hara ni i angkon marjop ni roha do hamu, haru pe saonnari angkon laing marsak hamu santongkin hara ni na manaon angka pandugaan hamu.