PODA 18:12 - BIBEL JAMITA NA DENGGAN

¹² Muli madabu do halak na gakgak halak na toruk roha dapotan sangap.

PODA 18:12 ပူးပေါင်းရင်းမြစ်များ

1 RAJA-RAJA 3:7

Ale Tuhan Debatangku, madung diangkat Ho au gabe raja gonti ni damang, haru pe poso situtu dope au jana na so umboto sanga songon dia laho mamarenta.

PODA 11:2

Halak na bulbul, hona layas do i sanoli on; tapi jumpang do habisuhon di halak na toruk marroha.

PODA 15:33

Biar maradopkon Tuhan, i ma ojahan ni pangajaran. Toruk ni roha manjoloi hasangapan.

PODA 16:18

Ginjang ni roha mambaen hasegoan; bulbul mambaen hasarsaran.

PODA 29:23

Na laho madabu do siginjang roha sipasangapon do halak na toruk roha.

JEHESKIEL 28:2

“Ale jolma parsantongkinan, palalu ma tu raja ni Tirus, sanga aha na Hudok, Au Tuhan Debata mandok tusia, ‘Bulbul ni hatamu antong mandok na dung dietong ho dirimu debata na mangarajai sude laut. Muda na giot songon debata pe pangalahomu, guru di ho ma i, tapi ingot ma, jolma na somal sajo do ho.

JEHESKIEL 28:9

Antong muda dung dapot hatiha ni i, laing tardokkon ho dope he, Debata ho? Torang ma di jolo ni musumu bahaso hum jolma na somal sajo do ho.

JEHESKIEL 29:9

Gabe tano na mamolngit noma Mesir. Jadi gabe botoonmunu ma Au do Tuhan.” Didok Tuhan ma, “Ale raja ni Mesir! Hara ni na nidokmu ho nampuna Batang aek Nil jana didok ho, ho do na mambaen batang aek i

DANIEL 9:20

Hupatorus do na martangiang i dohot na mangoku dosangku dohot dosa ni bangsongku Israel jana mangido tu Tuhan Debatangku anso dipasuang Ia nian bagasNia i.

DANIEL 9:23

Di na mamungka ho mangido tu Debata, dilehen Ia do alusna. Dihaholongi Ia do ho, hara ni i ma umbaen na ro au laho paboahon alusna tu ho. Antong, tangihon ma anso hupatorang tu ho astuan ni parnidaan i.

LUKAS 14:11

Angke sude halak na pagincatkon dirina sipatoruhon do, jana sude halak na patutoru dirina sipagincaton do.”

1 PETRUS 5:5

Laing songon i ma hamu angka na poso! Oloi hamu ma angka halak na matobang. Angkon sude do hamu patoruk dirina jana marsioloan di bagasan haserepon ni roha. Harana tarsurat do di Buku Na Badia i songon on, “Dialo Debata do halak siginjang roha, tapi dihaholongi Ia do halak na serep roha.”