PODA 18:10 - BIBEL JAMITA NA DENGGAN

¹⁰ Songon palas-palas na togu do Tuhan; tusi do maporus halak partigor anso malua.

PODA 18:10 ပူးပေါင်းရင်းမြစ်များ

PAMUNGKAAN 17:1

Di na marumur si Abram sambilan pulu sambilan taon, dipatidahon Tuhan ma diriNa tusia jana didok ma, “Au do Debata Na Gumogo. Oloi ma Au jana patulus tongtong sanga aha hagiotKu.

PAMUNGKAAN 32:11

Na mangido ma au sian situtu ni rohangku, palua ma au sian tangan ni angkangku si Esau. Mabiar do au – mabiar betak sai ro ia manyerang lalu mangabiskon hami sude, bope dadaboru dohot dakdanak.

2 SAMUEL 22:2

Tuhan i do panjagongku, benteng na togu do di au.

2 SAMUEL 22:3

Tu Debata do au marsilaung jana sonang do au marlindung. Songon parince do Debata manutup au, sonang ma au, dibaen Ia do mangondingi au. Tuhan i do Sipalua di au sian na mangasa gogo gabe malua au.

2 SAMUEL 22:51

Mulahulak dilehen Debata hamonangan na marlobian tu raja. Manongtong do holong ni rohaNa tu raja na nipiliNia, tu si Daud maradu pomparanna sapanjangna.

MASMUR 144:2

Ia do pangondian dohot na mambela au, parlinggoman dohot na palua au. Ia do pos ni rohangku, muda diSia sonang do au; tunduk dibaen Ia angka bangso tu au.

MASMUR 18:2

Tuhan do parondinganku, benteng na togu di au. Tu Debata do au marsilaung, gabe sonang au marlindung. Songon parince digupgupi Ia au, dijago Ia au tongtong anso sai sonang au.

MASMUR 20:2

Sai ditongos Ia ma sian BagasNa pangurupion, jana dilehen Ia panolongi sian Dolok Sion.

MASMUR 27:1

Tuhan do hatiuran ni ngolungku dohot sipalua au, nada adong habiaranku. Tuhan do benteng parondinganku, nada pola humitir au.

MASMUR 91:14

Didok Tuhan, giot paluaonKu halak na mangkaholongi Au. OndinganKu ma sanga ise na mangoku Au gabe Tuhan.

MASMUR 91:2

tola ma dokkononna tu Tuhan, “Ho noma pangondianku dohot parlindunganku. Debatangku, haposan ni rohangku.”

HARURUAR 6:3

Ro do Au mandapotkon si Abraham, si Ishak dohot si Jakob, i ma Debata na gok kuaso, tapi nada Hupataridahon diringKu tu halahi marhite goar ‘Tuhan’ i ma goarKu na badia i.

PODA 14:26

Muda dipasangap Tuhan jumpang do dame ni roha, jana dongan sabagasna dapotan gogo marpangondian.

PODA 29:25

Muda jolma do dihabiari ho, na mambaen jorat do ho di dirimu; tapi haposi ma Tuhan, anso dijagohon Ia ho.

JESAYA 26:4

Sai haporsayai ma tongtong Tuhan, harana Tuhan Debata do dolok batu na manongtong.

JESAYA 57:15

Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.

JESAYA 9:6

Madung sorang di hita sada dakdanak; dibasa-basahon di hita sada anak. Ia ma na gabe pamimpinta. Digoari do Ia: “Panuturi Na Marroha”, “Debata Parkuaso”, “Ama Salolot ni lolotna”, “Raja Ni Hadameon”.

JEREMIA 23:6

Muda dung mamarenta ia, malua ma halak Juda jana Israel mangolu ma di bagasan sonang. Goaron ma raja i ‘Tuhan do hasintonganta.’

HABAKUK 3:19

Dilehen Ho do di au gogo songon pat ni ursa, patku dipatohong Ho. Dijagohon Ho do au anso sonang, di na mardalani au di partoran.

MATEUS 1:23

“Denggan ma pamatang ni sada bujing-bujing, sorang ma sian ia sada anak halaklahi. Digoari ma Dakdanak i Immanuel.” (Di hata Ibrani, Immanuel astuanna “Debata do rap dohot hita”.)

HALUMBAAN 1:8

“Au do na parjolo dohot na parpudi,” ninna Tuhan Debata, na adong, na dung adong, jana na giot ro, Parkuaso Na Sumurung i.

1 SAMUEL 17:45

Tapi dialusi si Daud ma, “Ro ho mangalo au mangasahon podang, tombak dohot hujur, tapi ro do au mangalo ho mangasahon goar ni Tuhan Na Markuaso i, Debata ni tentara ni Israel na nipalayasmi.

1 SAMUEL 30:6

Giot marmara tutu do si Daud, dibaen sun do marsakna parangan ni si Daud i hara ni na agoan anak dohot dadaboru. Jadi gabe giot didangguri halahi do si Daud dohot batu. Jadi targogot situtu ma si Daud, tapi laing dipatogu Tuhan Debatania mangulahi rohania.