PODA 17:5 - BIBEL JAMITA NA DENGGAN

⁵ Sanga ise na manyosak halak na pogos, pabilehon Debata na manompasa. Sanga ise na marmoga-moga hara ni halak na malang bagian, pasti dapot uhuman.

PODA 17:5 ပူးပေါင်းရင်းမြစ်များ

JOB 31:29

Na so jungada do au marjop ni roha hara ni musungku na sumusa; sanga marmoga-moga iba hara ni na marmara ia.

MASMUR 69:9

Holong ni roha tu BagasMu pagurgurkon rohangku, incak ni halak na palayas goarMu mandondoni au.

PODA 14:21

Sanga ise na palayas halak, mambaen dosa; sanga ise marroha na denggan tu halak na pogos, martua.

PODA 14:31

Na pasangap Debatana do sanga ise na mambaen na denggan tu na pogos; na pabile na manompasa do halak na manyosak na gale.

PODA 16:5

Dihagigihon Tuhan do sude halak siginjang roha; nada dipadiar halahi malua sian uhumanNa.

JEREMIA 17:16

Tapi ale Tuhan, na so unjung do husosoi Ho parohon jaya tu halahi, nada muse por rohangku anso didondoni hasusaan. Diboto Ho do i ale Tuhan. Diboto Ho do sanga aha na hudok.

JEHESKIEL 25:3

Suru ma bangso i manangihon sanga aha na Hudok, Au Tuhan Debata mandok tu halahi, ‘Sonang do rohamunu paida-ida inganan na badiangKu dipahodar dohot tano Israel disegohon jana halak Jahudi dioban tu habuangan.

OBAJA 1:10

“Jahat do pambaenmu maradopkon angka kahanggimu pomparan ni si Jakob. Jadi hara ni i, roncohonon noma ho, jana ho pe abiskonon noma ro di salolot ni lolotna.

OBAJA 1:16

Di ginjang ni dolokKu Na Badia i, madung diinum bangsongKu siinumon na manggambarkon uhumannia. Tapi umpaet dope siinumon ni angka bangso na di tano on. Nada tarpasiding halahi uhuman i. Angkon inumon ni halahi do i jana pangabisonna. Jadi gabe mago noma halahi ro di salolot-lolotna.”

SURAT NI SI PAULUS TU PARLAGUTAN ROM 12:15

Marjop ni roha ma hamu dohot angka na marjop ni roha, jana tangis ma hamu dohot angka na tangis.

1 JOHANNES 3:17

Muda adong sada halak na marsinadongan di tano on na marnida donganna markahurangan, hape nada ra ia patuduhon ibo ni roha tu donganna i, bia ma he pandoknia na holong rohania tu Debata?