PODA 17:26 - BIBEL JAMITA NA DENGGAN

²⁶ Nada tola mandando halak na tigor, jana nada patut mamotuk halak na sangap.

PODA 17:26 ပူးပေါင်းရင်းမြစ်များ

PAMUNGKAAN 18:25

Pasti do na so ra Ho mamunu angka halak na so marsala i rap dohot na marsala. Inda masuk di akal! Inda mungkin ra Ho mambaen songon i. Sugari sura dibaen Ho songon i, gabe sarupama angka halak na so marsala dohot na marsala. Hape nian matua na tigor do anggo Panguhum ni sandok na adong.”

2 SAMUEL 19:7

Jongjong ma nian sugari raja i jana haruar laho pasonangkon roha ni tentara ni raja i. Husumpahon ma mangasahon Tuhan, anggo na so haruar do raja i, laing di bagasan borngin on nada adong be hum sahalak pe na mandongani raja i. I dope parmaraan na jumorbut sialaman ni raja i salolot mangolu.”

2 SAMUEL 3:39

Haru pe au on raja na nipili ni Debata, gale do pangkilalaanku sadari on. Makejamtu do angka anak ni si Zeruya on. Inda tuk gogongku mangatasi halahi. Sai Tuhan ma na manguhumi angka parjahat on, marguru tu pambaenan ni halahi i!”

PODA 17:15

Dihagigihon Tuhan do na patigorkon halak na so hasaya, jana na pasalahon halak na so marsala.

PODA 18:5

Nada denggan marpihak tu halak na so hasaya jana manahan hatigoran sian halak na so marsala.

MIKA 5:1

Tapi anggo ho, ale Betlehem Efrata, ho ma sada kota na ummenek di Juda! Hape sian ho ma giot pabangkitonKu sada halak na markuaso di Israel na marasal mula sian narobi.

JOHANNES 18:22

Dung didokkon Jesus songon i, ro ma sada halak panjago i manampeleng Ia didok ma tuSia, “Na puluk ma Ho mangkatai songon i tu Malim Godang i!”