PODA 17:24 - BIBEL JAMITA NA DENGGAN

²⁴ Adop habisuhon do hagiot ni na pistar, tapi rarat do pangaligi ni na oto.

PODA 17:24 ပူးပေါင်းရင်းမြစ်များ

MASMUR 119:37

Jagohon ma au ulang sai huparayak na so porlu, lehen ma di au ngolu mangihutkon hagiotMu.

PODA 14:6

Dijalahi pangincak do habisuhon tapi nada dapot ia, tapi muda halak na pistar momo do marsiajar.

PODA 15:14

Halak na marroha manjalahi parbinotoan; halak na oto puas do di haotoan.

PODA 17:25

Anak na oto pasusa amangna, jana arsakkonon ni inangna.

PODA 23:5

Harana di bagasan sangombas sajo pe bolas do mago sinadonganmi, songon na marhabong ia jana habang tu langit songon unggas rajawali.

PARJAMITA 2:14

Diida halak na pistar do dalan na nitujuna; halak na oto songon na mardalan di na golap.’ Tapi laing huboto muse do na sarupa do jambar na mandondoni halahi sudena.

PARJAMITA 6:9

Magopo do sudena i songon karejo na manangkup alogo. Gumonan do hita puas marhite na adong di hita ulang pado marpor ni roha anso umbahat dope.

PARJAMITA 8:1

Tabona i antong halak na marbisuk. Diboto ia do alus ni sude parkaro. Mikim do ia marjop ni roha pambaen ni bisuk i, gabe mago ma sian bohina na markeruti.

JOHANNES 7:17

Sanga ise na ra mangihutkon hagiot ni Debata, botoon ni halahi ma sanga na sian Debata do pangajaranKi, sanga na sian roha-rohangKu sandiri.

1 JOHANNES 2:16

Sasudena na adong di portibi on na nihalungunkon ni jolma – i ma sasude hagiot ni sibuk, hagiot ni mata dohot na pagodangkon dirina – nada sian Debata haroroan ni angka na songon i, tapi sian portibi on do.