PODA 17:21 - BIBEL JAMITA NA DENGGAN

²¹ Anak na bahat mambaen haotoan, mangalehen tu amangna bahat pardangolan.

PODA 17:21 ပူးပေါင်းရင်းမြစ်များ

PAMUNGKAAN 26:34

Di na marumur opat pulu taon si Esau, dialap ia ma boru dua halak sian marga ni bangso Het, i ma si Judit boru ni si Beeri dohot si Basmat boru ni si Elon.

2 SAMUEL 18:33

Umbege i, marsak sajo ma roha ni raja i, lalu manaek ma ia tu inganan na di ginjang ni pintu horbangan i tangis jana mangandungi ma ia, “Oi anakki! Anakku si Absalom i! Si Absalom anakki! Gumonan do au mate manggontihon anakki! Si Absalom anakki!”

PODA 10:1

Angka on ma poda ni si Salomo: Anak na marroha, i ma jagar-jagar ni amangna; anak na oto, hasusaan ni roha ni inangna.

PODA 15:20

Anak na marroha, pasonang roha ni amangna; anak na oto nada mangargahon inangna.

PODA 17:25

Anak na oto pasusa amangna, jana arsakkonon ni inangna.

PODA 19:13

Anak na oto bolas jadi mangaroncohon amangna. Dadaboru na patubekbek tudos tu aek na manetek so adong mantakna.

2 KORINTUS 2:3

Hara ni i do umbaen na husuratkon songon i tu hamu. Nada ra au ro manopot hamu anso marsak, harana hamu do na sapatutna angkon pajop rohangku. Harana pos do rohangku, muda marjop ni roha au, dohot do hamu sude marjop ni roha.

3 JOHANNES 1:4

Nada adong jop ni rohangku na gumodang di balik ni on, muda hubege na mardalan do dakdanakku di bagasan hasintongan i.

1 SAMUEL 8:3

Tapi nada diihutkon halahi pangalaho ni amang ni halahi, hum hauntungan tu dirina sajo do na dipikirkon ni halahi. Manjagit hepeng sogok do halahi jana nada tigor dibaen halahi mamutuskon angka parkaro.