PODA 17:19 - BIBEL JAMITA NA DENGGAN

¹⁹ Halak na sai tagi martongkar hamaolon do na nihagiotanna. Halak siruak baba do na olo patida-tidahon, hagaoran dijalahisa.

PODA 17:19 ပူးပေါင်းရင်းမြစ်များ

2 SAMUEL 15:1

Dung i diparade si Absalom ma disia sandiri kareta dohot kudo rap dohot lima pulu halak pandonganinia.

1 RAJA-RAJA 1:5

Hara ni na dung mate si Absalom, sian sude anak ni si Daud si Adonia noma na tumobang. Inangnia margoar si Hagit. Tongam do idaon rupana. Nada jungada digorahon amangnia i ia haru tarsung pe ia sala. Hara ni por ni rohania gabe raja, dipasingkop si Adonia ma disia kareta porang dohot tentara na markudo dung i muse lima pulu halak pangawal.

PODA 16:18

Ginjang ni roha mambaen hasegoan; bulbul mambaen hasarsaran.

PODA 17:14

Songon na mambuka dalan ni aek do na mamungka partongkaran, manigor ma mundur painte so dipungka partongkaran i.

PODA 18:12

Muli madabu do halak na gakgak halak na toruk roha dapotan sangap.

PODA 24:27

Ulang marrumahtangga, anggo so jolo diparade ho ladangmu jana adong pancarianmu.

PODA 29:9

Muda parkaro halak na marroha dohot halak na oto, hum na panyaor-nyaorkon dohot na martata do na oto i.

2 KORINTUS 12:20

Sak do rohangku, muda ro au mandapotkon hamu saulahon, nada songon na nipangido ni rohangki dapotonku hamu, jana hamu pe nada songon na nipangido ni rohamunu i dapotonmunu au. Ulang so adong pe na marbadai, marsibunuan, na milas rohana, na marsipalua dirina, marsitilakoan, na pamilas-milas roha ni donganna, na ginjang roha, jana tarjadi hagaoran.

JAKOBUS 1:20

Harana nada tarbaen hamuruhon ni jolma mangkarejohon hatigoran ni Debata.