PODA 17:17 - BIBEL JAMITA NA DENGGAN

¹⁷ Sai na setia do ale-ale tu donganna; jana songon na markahanggi do halahi tu sitaonon.

PODA 17:17 ပူးပေါင်းရင်းမြစ်များ

2 SAMUEL 1:26

O Jonatan, ale-alengku, hancit ate-atengku, angke na arga situtu do ho di au. Holong ni rohamu lumobi surungna tu au, umbagas dope i sian holong ni roha ni dadaboru.

2 SAMUEL 15:21

Tapi dialusi si Itai ma, “Na huparsangapi, mangasahon Tuhan na mangolu i bope hara ni hosa ni raja i, sanga na tu dia pe raja i kehe, laing dohot do au, haru pe na gabe hamatean na ro baenon ni i.”

ESTER 4:14

Sanga na bia pe dalanna pasti maruli partolongan do halak Jahudi, anso malua halahi. Tapi anggo laing hohom do ho di bagasan pangalaho na songon on, ho sandiri pe mate do jana abis ma barita ni keluarga ni amangmu. Ise he umboto i, betak hara ni haporluan di angka hatiha na songon on do antong umbaen na hona pili ho gabe ratu!”

PODA 16:28

Dibaen halak na jahat do parbadaan, jana disirang do halak na marale-ale.

PODA 18:24

Adong do dongan na so setia, adong muse do na rumosu sian kahangginiba.

PODA 19:13

Anak na oto bolas jadi mangaroncohon amangna. Dadaboru na patubekbek tudos tu aek na manetek so adong mantakna.

PODA 19:7

Halak na pogos menek do di kahanggina, tarlobi-lobi dope di dongan-donganna. Sanga na bia pe dibaen ia, nada tarbuat ia rohana.

IBRANI 2:11

Dibaen sian Sada do haroroan ni sude halahi, bope Ia na pabadiahon, bope halahi na niparbadiai, hara ni i do nada maila Ia manggoari halahi kahanggi.

RUT 1:16

Tapi dialusi si Rut ma, “Namboru, ulang ma da suru au mulak dohot manandingkon ho namboru! Ihutkononku do namboru. Sanga na tu dia namboru kehe, laing disi do au tinggal. Bangsomu noma bangsongku; jana Debatamu laing i muse ma Debatangku.

1 SAMUEL 18:3

Jadi disumpahon si Jonatan ma angkon marale-ale dohot si Daud salolot-lolotna, hara ni holong ni rohania di si Daud.

1 SAMUEL 19:2

jadi gabe didok ia ma tu si Daud, “Sai giot bunuon ni damang do ho; jadi jago ma ho! Martabuni ma ho ancogot manyogot di inganan na buni jana disi ma ho tinggal.

1 SAMUEL 19:3

Kehe pe au tu padang-padang i jana jongjong pe au di lambung ni amanta di lambung ni partabunianmi. Jadi manghobari pe hami taringot tu ho jana paboaonku ma tu ho pangkataionnami i.”

1 SAMUEL 20:17

Jadi paduanolihon ma disuru si Jonatan marjanji si Daud anso manghaholongi ia, angke holong ni rohania tu si Daud dos do dohot tu dirinia sandiri.

1 SAMUEL 23:16

Didapotkon si Jonatan ma ia tusi laho patoguhon haporsayaannia bahaso sai na ondihonon ni Debata do ia.