PODA 17:15 - BIBEL JAMITA NA DENGGAN

¹⁵ Dihagigihon Tuhan do na patigorkon halak na so hasaya, jana na pasalahon halak na so marsala.

PODA 17:15 ပူးပေါင်းရင်းမြစ်များ

1 RAJA-RAJA 21:13

Juguk ma dua halak na jahat adop si Nabot, jana dituhas halahi na dua ma si Nabot di jolo ni halak na bahat i na dung mamurai Debata dohot raja. Jadi hara ni i ma dalanna dioban ia tu balian ni kota lalu didangguri dohot batu lopus mate.

MASMUR 94:21

Marsatahi halahi mangalo halak na jujur, jana mandabu uhuman mate tu halak na so marsala.

HARURUAR 23:7

Ulang nibaen-baen hata na so tutu tu halak, jana ulang nidabu uhum mamatehon halak na so marsala, harana hona bura do baenonKu sanga ise na mambaen hajahatan na songon i.

PODA 11:1

Goyak do roha ni Tuhan di halak na mamake timbangan na geduk; tapi di timbangan na jujur do rohaNia sonang.

PODA 15:8

Sonang do roha ni Tuhan muda denggan halak martangiang, tapi anggo haul ni halak na jahat ditulak Ia.

PODA 17:26

Nada tola mandando halak na tigor, jana nada patut mamotuk halak na sangap.

PODA 18:5

Nada denggan marpihak tu halak na so hasaya jana manahan hatigoran sian halak na so marsala.

PODA 31:5

Angke muda lalap minum, lupa ma ia di uhum na tigor, gabe dipaegol ma uhum tu halak na dangol.

PODA 6:16

Adong do pitu parkaro goyak ni roha ni Tuhan jana na so tarpadiar Ia: Tabiat na sombong. Pamangan pargabus. Tangan na mamunu halak na so marsala. Utok-utok na mambaen sangkap na jahat. Pat na mopop kehe tu hajahatan. Saksi na sai torus margabus, dohot halak na patubu-tubu parbadaan di tonga-tonga ni dongan.

JESAYA 5:20

Marjaya ma halahi na mandokkon hajahatan i denggan jana na denggan i na jahat, na manggonti hagolapan gabe torang jana na torang gabe hagolapan, na manggonti na paet gabe tonggi, jana na tonggi gabe na paet.

JESAYA 5:23

Marjaya ma hakim na patigorhon parjahat hara ni hepeng suap, jana na so patuduhon hasintongan tu halak na tigor.

ANDUNG 3:35

muda mago hakta na nilehen ni Tuhan, ampot hatigoran dihusor marbalihan,

JEHESKIEL 13:19

Dipalayas hamu do Au di adopan ni bangsongKu hum anso dapotan hamu sanjomput bajaure dohot roti piga-piga ponggol. Angka halak na so marsala dibunui hamu, hape anggo halak na patut mate, dipadiar hamu mangolu. Anso tarbaen hamu na songon i, digabusi hamu ma bangsongKi jana porsaya ma halahi tu hamu.’ ”

AMOS 5:12

Huboto do sanga songon dia godang ni hajahatanmunu dohot bahat ni dosamunu. Disosak hamu do halak na burju; dijagit hamu do sogok jana dipadiar hamu do dibaen na so tigor tu halak na pogos di paruhuman.

AMOS 5:7

Marjaya ma hamu, angka na pabalik-balikkon hatigoran dohot na mamogo hak ni halak!

AMOS 6:12

Tarbaen kudo ma he marlojong di dolok batu? Unjung ma he mambajak halak di laut mamake lombu? Hape anggo hamu dipabalik-balik hamu do hatigoran lopus gabe rasun na mamatehon.

SURAT NI SI PAULUS TU PARLAGUTAN ROM 4:5

Tapi muda adong halak na so markarejo, hape porsaya tuSia na patigorkon halak pardosa, diparetongkon ma haporsayaannia i gabe hatigoran.

PANGARATAION 25:1

Adong ma umpamana dua halak Israel na kehe tu pangadilan laho pauruskon sada parsalisian, gabe didok ma na so marsala na sada jana na sada nari i marsala.

JAKOBUS 5:6

Diuhum jana dibunu hamu do angka halak na so marsala, hape nada mangalo halahi tu hamu.