PODA 17:12 - BIBEL JAMITA NA DENGGAN

¹² Gumonan do marsuo dohot induk ni gompul na magoan anak, ulang pado marsuo dohot halak na bodo na topet padalan haotoanna.

PODA 17:12 ပူးပေါင်းရင်းမြစ်များ

2 SAMUEL 17:8

Torang do diboto raja i, anggo si Daud dohot parangannia i angka parporang na barani do. Na songon gompul boru-boru na agoan anak do jingar ni halahi. Boti muse, si Daud sandiri pe parajurit na marpangalaman do i na so jungada modom rap dohot parangannia.

2 RAJA-RAJA 2:24

Manaili ma si Elisa manatap halahi jana diburai ia ma halahi mangasahon goar ni Tuhan. Jadi manigor ro ma dua gompul boru-boru sian ramba i manyibak-nyibak opat pulu dua halak sian dakdanak i.

PODA 17:11

Di halak na jahat na sai patubu hagaoran, ro ma hamatean songon uhuman na kejam.

PODA 27:3

Nayang dope batu dohot horsik muda nipartimbangkon dohot hamaolon na tubu hara ni haotoon.

PODA 28:15

Parjahat na markuaso tu halak na marhahurangan, songon singa na marngaur sanga songon gompul na manyoro do i.

PODA 29:9

Muda parkaro halak na marroha dohot halak na oto, hum na panyaor-nyaorkon dohot na martata do na oto i.

HOSEA 13:8

ParsurageonKu ma hamu songon gompul na agoan anak. Sibak-sibahonKu ma hamu. Songon singa, giot polgakonKu hamu di ingananmunu, jana songon binatang panyoro parsurageonKu ma hamu.”

MATEUS 2:16

Dung diboto si Herodes na dung dipaoto-oto ni parilmu bintang na sian Habincaran i ia, gabe muruk sajo ma ia. Diparuar ia ma parenta anso dibunu sude dakdanak halaklahi na marumur dua taon tu toru na adong di kota Betlehem dohot na humaliang i. Dipahombar ma i tu hatorangan na nitangkasannia sian angka parilmu bintang i.