PODA 17:11 - BIBEL JAMITA NA DENGGAN

¹¹ Di halak na jahat na sai patubu hagaoran, ro ma hamatean songon uhuman na kejam.

PODA 17:11 ပူးပေါင်းရင်းမြစ်များ

2 SAMUEL 15:12

Jadi dompak na manghaulkon haul si Absalom, laing disuru ia muse ma utusan tu kota Gilo laho marpio si Ahitofel, i ma sada sian panuturi ni Raja Daud. Jadi songon i ma antong mur margogo parkumpulan laho mangalo raja i jana mur mabahat ma angka na mangihut tu si Absalom.

2 SAMUEL 18:15

Dung i ro ma sampulu halak parangan ni si Joab manggosa-gosa ia lalu mamunusa.

2 SAMUEL 18:19

Dung i didok si Ahimaas anak ni si Zadok i ma tu si Joab, “Paloas ma au kehe marlojong mandapotkon raja i paboahon dohot maroban barita na denggan bahaso na dung dipalua Tuhan raja i sian musuna.”

2 SAMUEL 20:1

Di kota Gilgal adong ma sada bayo panggaori si Seba goarna. Anak ni si Bikri do i sian Marga Benyamin. Dompak na ro angka na mangudurkon si Daud, dipalu si Seba ma sarune jana manggora-gora ma ia, “Nada adong parsambunganta dohot si Daud. Tu ahanta ma mangihutkon ia? Jo hamu halak Israel, beta mulak be hita!”

2 SAMUEL 20:22

Dung i kehe ma ia jana dipalalu ia ma maksudnia i tu halak kota i. Dung i diponggolkon halahi ma ulu ni si Seba i jana didanggurkon tu si Joab. Dung i diombus si Joab ma sarune, jana kehe ma parangannia i manadingkon kota i mulak tu ingananna be. Kehe ma si Joab mulak tu Jerusalem mangadop tu raja i.

1 RAJA-RAJA 2:31

Umbege i didokkon raja i ma, “Kehe ma ho, baen ma songon na nidoknia i. Bunu ma ia lalu kuburkon, anso ulang be mangonai tu au dohot tu pomparanku pamunuon ni si Joab tu halak na so marsala.

1 RAJA-RAJA 2:46

Dung didok ia songon i, dilehen raja i ma parenta tu si Benaya, gabe kehe ma si Benaya mamunu si Simei. Dung songon i gok ma kuaso ni si Salomo di bagasan harajaanna i.

PODA 17:10

Ummarga do sanoli digorahon di halak na marroha ulang pado disambok saratus noli di halak na oto na so ra mangarti.

PODA 17:12

Gumonan do marsuo dohot induk ni gompul na magoan anak, ulang pado marsuo dohot halak na bodo na topet padalan haotoanna.

PODA 24:21

O anakku, habiari ma Tuhan, jana pasangap ma raja. Ulang ho dohot-dohotan tu na mangalo halahi.

MATEUS 21:41

Dialusi halahi ma, “Tontu bunuonnia ma sude angka parjahat i, dung i tu halak na asing noma dipabolahon ia kobun anggurnia i. Tu halak na ra mangalehen bolaan ni tano i tusia muda dapot hatihana,” ning halahi.

MATEUS 22:7

Dung dibege raja i na songon i, muruk sajo ma ia. Gabe disuruhon ia ma tentarania mambunu angka sibunu jolma i dohot manyurbu kota ni halahi.

LUKAS 19:27

Jana oban hamu ma tuson angka musungku na so ra manjagit au gabe raja ni halahi. Sambol hamu ma halahi di jolongku!’ ”