PODA 16:7 - BIBEL JAMITA NA DENGGAN

⁷ Muda dipasonang ho roha ni Tuhan angka musumu dibaen Ia gabe dongan.

PODA 16:7 ပူးပေါင်းရင်းမြစ်များ

PAMUNGKAAN 27:41

Gabe goyak ma roha ni si Esau mida si Jakob harani na nilehen ni amangnia i pasupasuna tu angginia i. Ning ia ma di bagasan rohania, “Nada pola sadia honok nari marujung ma ngolu ni damang on jana marsiluluton ma hami. Dung salpu i, hubunu ma si Jakob.”

PAMUNGKAAN 32:28

Didok bayo i, “Nada si Jakob be goarmu. Madung marsiranggut ho mangalo Debata dohot mangalo jolma jana monang do ho; antong si Israel noma goarmu.”

PAMUNGKAAN 33:4

Tapi marlojong ma si Esau mandapotkon ia, lalu dihaol ia ma si Jakob jana diumma ia. Marsitangis-tangisan ma halahi na dua.

2 JUJUR TAON 17:10

Dibaen Tuhan ma sude harajaan na adong humaliang Juda mabiar marporang mangalo Raja Josafat.

2 JUJUR TAON 20:30

I do dalanna umbaen na sonang si Josafat mamarenta jana dilehen Tuhan tusia antong dame di sude luatnia.

ESRA 8:36

Dipasahat halahi muse ma dokumen na nilehen ni raja i tu halahi, tu gubernur dohot angka na manjabat di propinsi Efrat Hasundutan. Jadi gabe dilehen angka na marjabatan i bantuan tu bangso i anso laing tarbaen halahi tongtong maribadat di Bagas Ni Tuhan.

MASMUR 69:31

Jopan do roha ni Debata mida pujian ulang pado haul lombu, lombu jantan na godang.

HARURUAR 3:21

Pasangapon ni halak Mesir i ma hamu baenonKu, di hatiha hakekehe ni bangsongKi, nada rumar tangan ni halahi.

PODA 16:8

Gumonan do marpandapotan otik mardongan hajujuron, ulang pado marpandapotan bahat mardongan panipuon.

PODA 3:17

Sonang jana maduma do ngolumu baenon ni habisuhon.

JEREMIA 15:11

O Tuhan, muda na so denggan do tutu hudalankon karejongku, jana nada huondihon angka musungku di joloMu taran marsak jana susa halahi, sai tulus ma nian bura ni angka jolma i. (

JEREMIA 39:12

“Kehe ma ho manjalahi si Jeremia jana denggan ia jagohon. Ulang hahua ia; patulus sanga aha pangidoannia.”

JEREMIA 42:12

Hara ni ibo ni rohangKu mida hamu, baenonKu ma raja ni Babel i maribo ni roha mida hamu jana padiaronnia ma hamu maringanan ditanomu. Au Tuhan, madung mandok songon i.’ ”

DANIEL 1:9

Jadi dilehen Debata ma tu si Daniel holong dohot ibo ni roha sian angka pamimpin ni pegawe bagas godang i.

SURAT NI SI PAULUS TU PARLAGUTAN ROM 8:31

Aha ma he tardok hita taringot tu sudena i? Muda Debata donganta, ise ma he tarbaen mangalo hita?

PILIPPI 4:18

Madung hujagit sasudena – dohonon marlobi-lobi dope! Sude silehen-lehen na nitongosmunu i tu au, madung hujagit sian si Epafroditus. Saonnari madung tuk di au sanga aha haporluanku. Songon uap na huskus na sian haul na nihaulkon tu Debata jana na nihalomohon ni roha ni Debata, songon i do angka silehen-lehenmunu i.

KOLOSSE 1:10

Jadi gabe tarbaen hamu ma mangolu mangihutkon na nipangido ni roha ni Debata bope na pasonangkon rohaNia tongtong, anso sai tarpatidahon hamu angka pangalaho na denggan di sude karejomunu. Jana mur martamba muse ma parbinotoanmunu taringot tu Debata.

KOLOSSE 3:20

Hamu angka dakdanak! Tugasmunu do songon halak Kristen hamu, mangoloi simatobangmunu tongtong, angke na songon i do na pajopkon roha ni Debata.

IBRANI 13:21

Sai dipasingkop Debata mual ni hasonangan i ma hamu di sasude na denggan i na porlu di hamu laho patuluskon hagiot ni rohaNia. Sai dibaen Debata ma di hita sanga aha giot ni rohaNia markite-hite Jesus Kristus. Tarpuji ma Jesus salolot-lolotna! Amen.

1 PETRUS 3:13

Ise ma he ra mambaen na jahat tu hamu anggo sai jop do rohamunu mambaen na denggan?

1 JOHANNES 3:22

Jana sanga aha pe na tapangido sian Ia, dapot hita do i, angke burju do hita mangoloi angka tonaNia dohot patuluskon sanga aha na tumbuk tu rohaNia.