PODA 16:22 - BIBEL JAMITA NA DENGGAN

²² Halak na marroha maruli ngolu sian habisuhonna; tapi muda habodoon, sitaonon do i di na bodo.

PODA 16:22 ပူးပေါင်းရင်းမြစ်များ

PODA 10:11

Pamangan ni halak partigor i do haroroan ni ngolu, tapi manyimpan hakejamon do pamangan ni halak parjahat.

PODA 13:14

Haroroan ni ngolu do pangajaran ni halak na bisuk, na mambaen malua halak sian parmaraan.

PODA 14:27

Pasangapkon Tuhan, i do haroroan ni ngolu; jana gabe malua do iba sian hamatean.

PODA 15:2

Muda mangkobari halak na marbisuk, ruar ma angka parbinotoannia, tapi muda na bodo mangkobari, ruar ma habodoon sajo.

PODA 15:28

Dipikiri halak partigor do alusnia, tapi mopop do na bodo mangalehen alusnia jana mambaen susa do i.

PODA 16:21

Nitanda do halak na marroha sian parbinotoanna. Hatana mur manarik, boti muse paposkon roha.

PODA 16:23

Halak na marroha jolo marpikir anso mandok hata, i do umbaen na umpos roha di hatana.

PODA 18:4

Hata ni jolma bolas gabe haroroan ni bisuk na bagas songon lautan jana borgo songon aek ni batang aek na mardalan sun tu dia.

PODA 18:7

Hata ni halak na oto do manyegohon dirina; tardapot ia dibaen hata-hatana.

PODA 3:22

I ma na gabe hangoluanmu jana sorminan di dirimu.

MATEUS 15:14

Padiar hamu ma halahi. Angke panogu na mapitung do halahi, na manogu na mapitung. Muda di togu na mapitung halak na mapitung, madabu do halahi na dua tu lubang i.”

JOHANNES 5:24

Hudok ma tu hamu: Satutuna sanga ise na manangihon hata na Hudok jana na porsaya tu na marsuru Au, halahi ma na dapotan hangoluan na so mantak. Nada siuhumon be i; madung malua ia sian hamatean jana dapotan hangoluan.

JOHANNES 6:63

Tondi i do na mangalehen hangoluan, anggo sibuk nada adong guna ni i. Angka hata na Hudokkon, i do tondi dohot hangoluan.

JOHANNES 6:68

Dialusi si Petrus ma, “O Tuhan, giot tu ise dope hami kehe? Hum hataMi sajo do na mangalehen hangoluan na so mantak.