PODA 16:18 - BIBEL JAMITA NA DENGGAN

¹⁸ Ginjang ni roha mambaen hasegoan; bulbul mambaen hasarsaran.

PODA 16:18 ပူးပေါင်းရင်းမြစ်များ

ESTER 3:5

Sun ma muruk ni si Haman di na tarboto tusia bahaso na so ra si Mordehai manungkap tusia.

ESTER 6:6

Dung masuk si Haman, didok raja i ma tusia, “Adong bayo na giot silehenonku hasangapan na godang. Aha do na giot sibaenonku tu halakna i?” Didok roha ni si Haman di bagasan, “Ise dope he halakna na giot lehenon hasangapan na songon i godangna baenon ni raja i anggo so tu au? Pasti au!”

ESTER 7:10

Songon i ma si Haman digantung di tiang na nipajongjongnia i baen di si Mordehai. Dung salpu pe i anso mombun rimas ni raja i.

PODA 11:2

Halak na bulbul, hona layas do i sanoli on; tapi jumpang do habisuhon di halak na toruk marroha.

PODA 17:19

Halak na sai tagi martongkar hamaolon do na nihagiotanna. Halak siruak baba do na olo patida-tidahon, hagaoran dijalahisa.

PODA 18:12

Muli madabu do halak na gakgak halak na toruk roha dapotan sangap.

PODA 29:23

Na laho madabu do siginjang roha sipasangapon do halak na toruk roha.

PODA 8:13

Biar mida Tuhan dos do i dohot na magigi mida hajahatan; nada huhagioti ginjang ni roha dohot hagakgakan. Goyak do rohangku mida pangalaho hajahatan, dohot hata-hata na mambaen haliluan.

JESAYA 37:38

Sanoli dompak marsomba ia di bagasan pamelean ni Debata Nisroh, hona bunu ma ia dibaen podang ni si Adramelek dohot si Sareser, angka anaknia do i. Dung i lari ma halahi tu Luat Ararat. Jadi anaknia na asing ma gontinia gabe raja, i ma na margoar si Esarhadon.

JEREMIA 49:16

Hona tipu ma ho baenon ni gakgakmu. Nada adong na mabiar mida ho songon na niambang ni rohamu. Maringanan di rigang ni batu ma ho, dao di puncut ni dolok an; tapi haru dibaen ho pe bagasmu di inganan na gincat situtu, sagincat ni asar ni unggas rajawali, paijuron ni Tuhan do ho sian i. Tuhan do mandokkon i sudena.”

JEREMIA 50:32

Tartuktuk ma bangsomu siginjang roha i jana tinggang. Sahalak pe nada adong na mangurupi laho pajongjongkon ho. SurbuonKu ma angka kotamu, jana sandok na adong humaliang ni kota i, Huabisi.”

JEHESKIEL 28:17

Rupamu na tongam i ma mambaen ho gakgak jana patunda ni habonggalanmi ma mambaen maoto ho di pangalahomu. Jadi hara ni i Hutombomkon ma ho tu tano jana Hubaen gabe sipatondit tu angka raja na asing.”

JEHESKIEL 29:9

Gabe tano na mamolngit noma Mesir. Jadi gabe botoonmunu ma Au do Tuhan.” Didok Tuhan ma, “Ale raja ni Mesir! Hara ni na nidokmu ho nampuna Batang aek Nil jana didok ho, ho do na mambaen batang aek i

DANIEL 11:12

Dung i ginjang ma rohania hara ni hamonangannia i dohot hara ni bahat ni musu dimatehon ia, tapi nada sai torus ia monang.

DANIEL 5:22

Hape anggo anaknia, i ma raja i sandiri, nada ra patoruk roha, haru pe nian diboto raja i do sudena i.

DANIEL 5:24

Patunda ni i ma da umbaen na ditongos Debata tangan i laho manyuratkon tona i.

MATEUS 26:74

Gabe marsumpa-sumpa ma si Petrus, “Sai mate au muda tutu hutanda bayo i!” ning ia. Manigor martahuak ma manuk.

LUKAS 14:9

Dung i ro ma tu ho suhut na mangontang hamu na dua mandok, ‘Lehen ma inganan on di halak on.’ Gabe ila ma rohamu kehe tu inganan na tumoruk.

SURAT NI SI PAULUS TU PARLAGUTAN ROM 11:20

Tutu do nian songon i. Tapi diambungkon pe halahi, hara ni na so porsaya do halahi, jana dijagit pe ho hara ni na porsaya do ho. Jadi ulang pola gabe ginjang rohamu hara ni i; gari ada angkon mabiar do ho.

1 TIMOTEUS 3:6

Nada tola halak na baru masuk Kristen gabe pamimpin ni parlagutan angke gabe ginjang do rohania, jadi gabe hona bura ni Sibolis ia.

HAKIM-HAKIM 11:28

Hape nada diterge raja ni Amon barita na sian si Jefta i.

1 SAMUEL 17:42

Tapi disi diida ia si Daud jana dipamanat ia, martata ma si Goliat mangincahi hara ni posona dohot jogina si Daud.