PODA 16:14 - BIBEL JAMITA NA DENGGAN

¹⁴ Halak na marroha diparayak do pasonang roha ni raja; muda muruk raja, ra do adong na mate hona uhumna.

PODA 16:14 ပူးပေါင်းရင်းမြစ်များ

PAMUNGKAAN 40:2

Gabe muruk ma raja i tu sidua halak parhobas i.

ESTER 7:7

Sun ma muruk ni raja i, lalu jongjong manadingkon meja jana kehe mardalan tu ruar tu kobun ni bagas godang i. Madung mamoto si Haman bahaso na dung dibuat raja i haputusan laho manguhum ia, jadi gabe laing tongtong ma ia disi rap dohot Ratu Ester laho mangidohon anso dipalua.

PODA 15:18

Halak parmuruk patubu partongkaran, halak na sobar maroban pardamean.

PODA 16:13

Jop do roha ni raja mambege hata na sintong, jana dihaholongi do na mandok na sintong.

PODA 16:15

Hadengganan ni roha ni raja na pangoluhon do i, songon ombun na paijur udan patumonaan.

PODA 17:11

Di halak na jahat na sai patubu hagaoran, ro ma hamatean songon uhuman na kejam.

PODA 19:12

Songon parngaur ni singa do parmuruk ni raja; tapi songon nambur tu suan-suanan do haburjuonna.

PODA 20:2

Muruk ni raja songon pangorong ni babiat do, barang ise na mangalapi muruk ni raja na mambaen parmaraan do i tusia.

PODA 29:26

Bahat do halak marpor ni roha anso dihalomohon parkuaso, tapi na mangalehen hatigoran hum Tuhan do.

PODA 29:8

Halak na sai tagi pasalahon, bolas do i manggaori kota. Tapi anggo halak na marroha sai dipademak do na masa.

PARJAMITA 10:4

Muda hona muruk ho dibaen raja. Ulang pola pangido maradian markarejo. Haru pe palka hasalaanmu, disesa do i muda tenang ho jana sobar.

DANIEL 2:16

Manigor kehe ma si Daniel manopot raja i jana mangido anso dilehen tingki laho patorangkon astuan ni nipi i.

MARKUS 6:27

Jadi manigor disuru ia ma sahalak pangawalnia mangalap ulu ni si Johannes Pandidi. Kehe ma tentara i tu hurungan. Digotapkon ia ma ulu ni si Johannes i.

BAENON NI ANGKA RASUL 12:20

Muruk sajo ma roha ni Raja Herodes mida halak Tirus dohot halak Sidon. Jadi rap kehe ma halahi mangadop tu Raja Herodes. Jolo dielek halahi ma si Blastus kapala ni bagas godang ni raja i, anso mamihak tu halahi ia. Dung i kehe ma halahi mangadop tu si Herodes mangidohon anso mardame, angke sian harajaan ni Raja Herodes do haroroan ni panganon tu luat ni halahi.

2 KORINTUS 5:20

Partonaan ni Kristus do hami. Mandok hata pe hami tu hamu, songon na Debata sandiri do na mangkobari tu hamu. Mangasahon goar ni Kristus gomos ma hami pangido tu hamu, sai ra ma hamu dipadenggan dohot Debata.