PODA 16:10 - BIBEL JAMITA NA DENGGAN

¹⁰ Muda raja mandok hata marhite kuaso ni Debata, jadi, nada sala ia di haputusan na nibaenna.

PODA 16:10 ပူးပေါင်းရင်းမြစ်များ

PAMUNGKAAN 44:15

Jadi didok si Josep ma, “Na mambaen bia dehe hamu? Adong he na so diboto hamu do, anggo songon au on halakna, tarbaen au do da padapotkon hamu sian na martondung.”

PAMUNGKAAN 44:5

Biasi ditangko hamu piala perak ni tuanku? Panginumannia do piala i dibaen ia dohot panjamaan laho martondung do i. Na mambaen hajahatan godang do hamu!’ ”

2 SAMUEL 14:16

Anggo hupikir tangihonon jana paluaon ni raja i do au sian halak na marusaho giot mamunu au, dohot anakki. Na giot paorot hami sian tano na nilehen ni Debata tu bangsoNa on do maksud ni halahi.

1 RAJA-RAJA 3:28

Dung dibege halak Israel haputusan ni si Salomo taringot tu parkaro i, gabe homang ma halahi jana dipasangap halahi ma si Salomo. Tangkas ma tarida, na dung dilehen Debata disia habisuhon laho manimbang parkaro di bagasan hatigoran.

2 JUJUR TAON 26:16

Dung gogo Raja Usia gabe ginjang ma rohania, jana i ma na maroban ia tu hasegoan. Dilanggar ia ma parenta ni Tuhan Debatania, harana masuk ma ia tu Bagas Ni Debata laho manutung dupa di ginjang ni langgatan pardupaan.

MASMUR 99:4

Raja na marsahala, dihaholongi Ho do na tutu, madung dihajongjongkon Ho do hatutuan. Uhum dohot hatigoran didalankon Ho di tonga-tonga ni pomparan ni si Jakob.

PODA 29:4

Muda dirohahon parkuaso hatigoran, togu ma negarana. Tapi muda hepeng dirohahon, maronco ma luatna.

HOSEA 10:4

Margabusi ma halahi jana mambaen parjanjian na so tutu lalu mamudun parjanjian na so marguna. Dipasuhar ma uhum, gabe mur manjadi-jadi ma hageduhan songon latong na tubu di ladang na dung nipangkuran.

AMOS 5:7

Marjaya ma hamu, angka na pabalik-balikkon hatigoran dohot na mamogo hak ni halak!

AMOS 6:12

Tarbaen kudo ma he marlojong di dolok batu? Unjung ma he mambajak halak di laut mamake lombu? Hape anggo hamu dipabalik-balik hamu do hatigoran lopus gabe rasun na mamatehon.