PODA 16:1 - BIBEL JAMITA NA DENGGAN

¹ Jolma mambaen rancangan, Debata do na mangalehen haputusan.

PODA 16:1 ပူးပေါင်းရင်းမြစ်များ

2 SAMUEL 7:5

“Kehe ma ho, jana palalu ma tonangKon tu naposongKu si Daud, ‘Biasi giot di pajongjong ho bagas di Au.

2 JUJUR TAON 18:31

Jadi di na niida ni halahi Raja Josafat, diambang halahi do ia raja ni Israel. Jadi diserang halahi ma ia. Tapi pio-pio ma si Josafat tu Tuhan, jadi gabe ditolong Tuhan ia antong, jana dipaegol ma serangan i adop na asing.

ESRA 7:27

Jadi didok si Esra ma, “Puji ma Tuhan, Debata na nisomba ni ompunta i! Madung disungguli Ia roha ni raja gabe ra ia mangalehen rohana tangkas tu Bagas Ni Tuhan di Jerusalem.

NEHEMIA 1:11

Tangihon ma tangiangku dohot tangiang ni sude naposoMu na asing i, na ra pasangankon Ho. Lehen ma pangurupiMu anso laing tulus naposoMon sadari on dapotan asi ni roha sian raja.” Siurus inumon ni raja do au di hatiha i.

JOB 17:11

Salpu ma ariniba, sundat ma sude sangkap; mago muse ma sandok parsintaan ni rohaniba.

MASMUR 10:17

Tuhan, ditangihon Ho do tangiang ni halak na bile, jana dipagodang Ho do roha ni halahi be.

MASMUR 119:36

Lehen ma di au lungun ni roha laho mangoloi aturanMu, manyalpui por ni roha gabe mamora.

HARURUAR 4:15

Manghobari ma ho dohot ia, paboa ma tusia aha sidokkononnia. Huurupi pe hamu na dua jana Huajari pe mandok sanga aha sidohononmunu dohot sibaenonmunu.

PODA 15:33

Biar maradopkon Tuhan, i ma ojahan ni pangajaran. Toruk ni roha manjoloi hasangapan.

PODA 16:9

Bolas do jolma mambaen sangkap, tapi Tuhan do na patuluskon langkana.

PODA 19:21

Tarbaen jolma do patupa sangkap, tapi hum maksud ni Tuhan do na tarlaksana.

PODA 20:24

Tuhan do manontuhon dalanta; tapi bia ma baenon ni jolma mangastui pardalanan ni ngoluna.

PODA 21:1

Diatur Tuhan do pardalan ni batang aek marguru tu hagiotNa, songon i muse do diatur Ia pikiran ni raja.

JEREMIA 10:23

Huboto do ale Tuhan, sahalak pe nada margogo manontuhon dalanna sanga mangatur pardalan ni ngoluna.

2 KORINTUS 8:16

Tarimakasi do hami dok tu Debata hara ni na dung mangalehen ringgas ni roha tu si Titus gabe songon hami laho mangurupi hamu!

PILIPPI 2:13

angke Debata sandiri do na markarejo di bagasan dirimunu, na mambaen hamu gabe ra jana sanggup pasonangkon roha ni Debata.