PODA 15:9 - BIBEL JAMITA NA DENGGAN

⁹ Magigi do Tuhan di dalan ni halak parjahat, tapi holong do rohaNia di halak partigor.

PODA 15:9 ပူးပေါင်းရင်းမြစ်များ

MASMUR 1:6

Ditogu-togu Tuhan do anggo halak pangoloi, tapi anggo halak na jahat muli-muli tu hamagoan do i.

MASMUR 11:7

Angke tigor do Tuhan, dihalunguni Ia do halak na mambaen hatigoran. Halak na tigor, diida jana ditanda halahi do Tuhan.

MASMUR 139:24

Pareso ma betak na sala do dalan na hubolus, togu ma au di dalan na manongtong.

MASMUR 5:5

Nada lomo rohaMu mida halak na jungkat, jana goyak do rohaMu mida sude sibaen na jahat.

PODA 15:10

Dokdok do uhuman tu halak na maninggalkon dalan na tutu, jana mate do halak na so tarpaingot.

PODA 21:21

Muda denggan rohamu jana jujur ho, gabe ginjang ma umurmu, pasangapon ni halak ma ho jana tigor pambaenanna tu ho.

PODA 21:4

Mardosa do halak parjahat i, hara ni na nirajaan ni bulbul dohot ginjang ni roha i.

PODA 21:8

Maralit-alit do dalan ni parjahat; sai na tigor do roha ni halak na burju roha.

PODA 4:19

Sabalikna, anggo dalan ni halak na jahat golap do songon golap ni borngin. Tinggang ma halahi nada dibotosa sanga hara ni aha.

PODA 8:13

Biar mida Tuhan dos do i dohot na magigi mida hajahatan; nada huhagioti ginjang ni roha dohot hagakgakan. Goyak do rohangku mida pangalaho hajahatan, dohot hata-hata na mambaen haliluan.

JESAYA 26:7

Lidang do dalan ni halak partigor, angke Ho do na mangarintis dalan disia.

JESAYA 51:1

“Tangihon ma Au, ale hamu na manjalahi hasintongan, ale hamu na manjalahi Tuhan, tatap ma dolok batu na marhite sian ia hamu targorga, jana tu lubang pangkuaran ni batu, na sian i hamu tarhuar.

JESAYA 51:7

Tangihon ma Au, ale hamu angka na umboto hasintongan, ale bangso na manyimpan pangajaranKu di bagasan rohamu! Ulang mabiar hamu muda dipabile jolma, jana ulang tarsonggot muda diincahi halahi.

JEREMIA 44:4

Sai torus do marpupu Husuru naposongku angka panurirang, na mangorai hamu mambaen hajahatan na Huhagigihon i.

HOSEA 6:3

Hara ni i, tahaburjuhon ma laho mananda Tuhan. Pasti do ro Ia tu hita songon parbincar ni mataniari jana songon udan na mangaehi tano di ujung ni ari nonat.”

HABAKUK 1:13

Na badia situtu do mataMu, hara ni i nada tarpaida-ida Ho hajahatan jana nada tarligi Ho hakejamon. Biasi sai paligi-ligionMu angka jolma na jahat i, jana sai hohom Ho taran diabisi halak na jahat i angka halak na dumenggan sian ia?

MATEUS 7:13

“Sian pintu na sompit i ma hamu masuk! Harana anggo pintu na godang jana na bidang i, pintu tu narako do i! Na bahatan do halak mamolus sian i.

PANGARATAION 7:13

HaholonganNia jana pasupasuonNia ma hamu, anso mur mabahat bilanganmunu; pasupasuonNia angka ladangmunu, anso gabe haroroan ni gandum, anggur dohot miak zetun. PasupasuonNa ma hamu marhite lombu dohot biri-biri na bahat. Lehenon ni Tuhan ma sude pasupasu i tu hamu di tano na giot silehenonNia tu hamu hombar tu janjiNia dohot ompumunu.

1 TIMOTEUS 6:11

Tapi anggo ho, halak ni Debata do ho, jadi angkon mandao do ho sian i sudena. Parayak ma anso halak na bonar ho di parnidaan ni Debata, jana na mangoloi tu Debata boti na porsaya tu Kristus, na marholong ni roha, sobar dohot marlambok ni roha.

2 TIMOTEUS 2:22

Orom ma dirimu taringot tu angka hasonangan ni na poso-poso. Haburjuhon ma mangoloi hagiot ni Debata, manghaporsayai Ia jana marholong ni roha dohot hadameon ni roha. Saroha ma ho na mangolu i rap dohot angka dongan na mangido tolong sian Tuhan mardongan roha na ias.